AVISO IMPORTANTE!!!

AVISO IMPORTANTE!!!

jueves, 26 de diciembre de 2013

DEBUXANDO O CONCERTO!!!

Así viron o concerto "A nena e o grilo nun barquiño", os nenos de 1º e 2º de Educación Primaria.

Os debuxos son tan fantásticos como foi o espectáculo!!!

OS DEBUXOS DE 1º



OS DEBUXOS DE 2º




martes, 24 de diciembre de 2013

BO NADAL!!!

Ola chicos! 

O día do festival estiven agochado entre o público e vin como tocábades a miña música favorita, os de 5º "A mañá" e os de 6º  "Na gruta do rei da montaña"; fixéchedelo moi ben e disfrutei moitísimo. Tamén me gustaron moito o resto das actuacións.

Creo que vos merecedes un bo descanso. Vémonos no vindeiro ano!!!

BICOS DE MÚSICA E FELICES MELODÍAS!!!




martes, 3 de diciembre de 2013

A MAÑÁ


"A mañá" é a peza que abre a Suite nº 1.

Os instrumentos de vento madeira son os protagonistas na exposición do tema. A intensidade vai aumentando no desenrolo da obra, ata alcanzar un forte que quere indicar a saída do sol soando con forza os instrumentos da familia da corda frotada.

Está escrita nun compás ternario e o tempo é allegretto pastorale.


Aquí vos deixo a partitura para que vaiades practicando.



Se queredes unha axudita para ler a partitura clicade na foto.


jueves, 28 de noviembre de 2013

ASÍ FOI O CONCERTO!!!

O martes asistimos a o concertó "A NENA E O GRILO NUN BARQUIÑO" en Pontevedra, que foi FANTÁÁÁÁÁSTICO.
Disfrutamos todos moitísimo coas cancións de Magín e coas aventuras da nena e do grilo.
Xa tiñamos noticias de que Grotus quería asistir ao concerto. Hai nenos que din que o viron, eu non o vin pero cando descarguei  as fotos da cámara levei una gran sorpresa.
https://dl.dropboxusercontent.com/u/19872627/BLOG%20MUSIKEANDO/CURSO%202013-14/CONCERTO%20A%20NENA%20E%20O%20GRILO/CONCERTO%20A%20NENA%20E%20O%20GRILO%20NUN%20BARQUI%C3%91O.swf


lunes, 25 de noviembre de 2013

UN XOGO PARA OS MÁIS PEQUENOS

Os pequenos do cole tamén están aprendendo moitas cousas sobre Edvard Grieg e a súa obra máis coñecida, "Peer Gynt".

Déixovos este xogo para que repasedes o que traballamos na clase. PASADEO BEN!!!





sábado, 23 de noviembre de 2013

O ESPANTALLO DIVERTIDO

Aquí tedes unha canción do novo disco de Migallas coa que imos participar no proxecto do colexio deste curso, "CADA PAXARO NO SEU NIÑO".

Clicade na imaxe para escoitar a canción.





Un espantallo divertido son.
Teño paxaros sempre ao redor. (Bis)

Catro farrapos vellos
e palla de centeo.
Cabeza de cabaza,
nariz de pataca
e levo por sombreiro
o fondo dun cesto. (Bis)


Un espantallo divertido son.
Teño paxaros sempre ao redor. (Bis)

Fun feito “pra” dar medo
aos corvos e aos merlos,
ás pegas rabilongas,
ás rulas, ás pombas,
pardais e paporrubios…
que todos se escondan! (Bis)



Un espantallo divertido son.
Teño paxaros sempre ao redor. (Bis)

E busco pola leira,
debaixo das maceiras,
enriba das patacas,
do millo, das fabas,
debaixo da verdura,
na froita madura. (Bis)


Un espantallo divertido son.
Teño paxaros sempre ao redor. (Bis)

E voan pola veiga.
Escapan ás carreiras
e logo, moi cansados,
xa van acougando
e veñen ao meu lado
cantando e piando. (Bis)



domingo, 17 de noviembre de 2013

A NENA E O GRILO NUN BARQUIÑO

O día 26 de Novembro os nenos de 1º ciclo asistiredes a un concerto en Pontevedra titulado "A NENA E O GRILO NUN BARQUIÑO".

Nese concerto Magín Blanco conta as aventuras dunha nena e dun grilo que van descubrindo o mundo a través dos contos e das cancións. 

Vai ser un concerto fantástico e aquí vos deixo algúns vídeos que traballaremos na clase a vindeira semana.

Ah, por certo, teño entendido que GROTUS ten moitas gañas de ver esta actuación ou sexa que os ollos ben abertos ese día.
















Lembrade que cando asistimos a un concerto temos que cumplir unhas normas especiais para este tipo de representacións.

Clicade no esceario para repasalas!!!




sábado, 16 de noviembre de 2013

EH, MENIÑA EHH!!

Chegáronme noticias de que Grotus non durme moi ben ultimamente. Eu creo que tanto viaxe nocturno de Noruega ata Vilalonga deixóulle o sono cambiado!

Que vos parece se lle cantamos unha anaina para ver si conseguimos que durma coma un tronco???

Esperemos que funcione pero que non se quede durmido no colexio xa que o susto que podemos levarnos cando cheguemos pola mañá  pode ser de campionato!

clicade no debuxo para escoitar a canción




Eh, meniña, eh, que aí ven o cocón
a buscala nena que non durme non
eh, meniña, eh, eh, meniña, eeeh.


Eh, meniña, eh que chegan o te
e mailas papiñas nun cacharolé
eh, meniña, eh, eh, meniña, eeeh.


Eh  meniña, eh, zapato no pe
sardiña salgada pra o noso Xosé
eh, meniña, eh, eh, meniña, eeeh.


Eh  meniña, eh, zapato no pe
papá vai na vila a buscalo café
eh, meniña, eh, eh, meniña, eeeh.


domingo, 10 de noviembre de 2013

TRABALLAMOS COA BIOGRAFÍA DE EDVARD GRIEG

Durante esta semana os alumnos de 2º e 3º ciclos fixeron diferentes xogos para aprender cousas sobre o compositor EDVARD GRIEG.

Divertímonos moito e aquí vos deixo algunhas fotos dese traballo. Clicade na imaxe e a disfrutar!!!





E agora se clicades na foto de Edvard Grieg escoitaredes a súa biografía. Lembrade que as ilustracións están feitas por compañeiros vosos que fai bastante tempo que deixaron o colexio. A que están moi ben???




martes, 5 de noviembre de 2013

EDVARD GRIEG: BIOGRAFÍA




Imos estudar a biografía de EDVARD GRIEG, xa sabedes o compositor de "Peer Gynt", cun xogo.

A biografía estará cortada en diferentes pezas que vos debedes atopar e ordear. Estas pezas estarán agochadas polo colexio.

Para facer o xogo traballaredes en equipo, de forma cooperativa, e xa sabedes escoitando a todos os membros e respectando as ideas de cada un. ESTE É UN DOS ASPECTOS MÁIS IMPORTANTES NA AVALIACIÓN DESTA ACTIVIDADE!!!

Cada equipo deberá atopar as súas pezas e ordealas cronolóxicamente e logo entre todos os equipos teredes que completar a biografía.

Unha vez que teñades o traballo rematado veremos a biografía ilustrada con debuxos que fixeron compañeiros vosos fai xa bastantes anos cando estudamos este compositor, e comprobaredes se a biografía que vos ordeáchedes está correcta. Se non fora así teriades que corrixila.


PARA ENTRAR NO XOGO DEBEDES CLICAR NO DEBUXO DA VOSA CLASE E DO VOSO GRUPO.


MOI IMPORTANTE: CADA XOGO NON ESTARÁ ACTIVO ATA O DÍA QUE TEÑAMOS CLASE DE MÚSICA!!!





https://dl.dropboxusercontent.com/u/19872627/BLOG%20MUSIKEANDO/CURSO%202013-14/LIM%20XOGO%20BIOGRAFIA%20GRIEG/xogo_biografia_5_b1.html


https://dl.dropboxusercontent.com/u/19872627/BLOG%20MUSIKEANDO/CURSO%202013-14/LIM%20XOGO%20BIOGRAFIA%20GRIEG/xogo_biografia_5_b2.html


https://dl.dropboxusercontent.com/u/19872627/BLOG%20MUSIKEANDO/CURSO%202013-14/LIM%20XOGO%20BIOGRAFIA%20GRIEG/xogo_biografia_5_b3.html


https://dl.dropboxusercontent.com/u/19872627/BLOG%20MUSIKEANDO/CURSO%202013-14/LIM%20XOGO%20BIOGRAFIA%20GRIEG/xogo_biografia_6_a1.html


https://dl.dropboxusercontent.com/u/19872627/BLOG%20MUSIKEANDO/CURSO%202013-14/LIM%20XOGO%20BIOGRAFIA%20GRIEG/xogo_biografia_6_a2.html


https://dl.dropboxusercontent.com/u/19872627/BLOG%20MUSIKEANDO/CURSO%202013-14/LIM%20XOGO%20BIOGRAFIA%20GRIEG/xogo_biografia_6_a3.html









domingo, 3 de noviembre de 2013

AMANDA E O SEU SAXOFÓN

O outro día Amanda trouxo o seu saxofón a clase e ademais de ensinarnos cales eran as súas partes e como se montaba, deu un pequeno concerto tocando melodías que xa coñecíamos, entre elas a que estamos estudando agora, "Na gruta do rei da montaña".





Foi moi divertido e pronto todo o cole terá oportunidade de escoitalo xa que estamos preparando unha actividade que vai a sorprender a todos durante un recreo. Non podo dar máis pistas!!!

Se queredes saber máis cousas sobre este instrumento clicade na imaxe dunha das saxofonistas máis famosas do mundo je, je.



domingo, 27 de octubre de 2013

NA GRUTA DO REI DA MONTAÑA

A obra de Edvard Grieg, "PEER GYNT" está formada por dúas Suites e esta peza é a derradeira da Suite nº 1.

Representa a entrada de Peer na gruta onde vive o rei da montaña rodeado de monstruos e trolls.



Ten dous temas que se van alternando e repetindo nun proceso de accelerando e crescendo ata chegar a un fortissimo piú vivo.

Aquí vos deixo a partitura coa adaptación da melodía para que vaiades practicando. Máis adiante porei a partitura completa con todos os acompañamentos.




Tamén vos deixo un texto para recitar coa música.

Con coidado vou a entrar, vou a entrar, vou a entrar. Esta gruta é perigosa, podo esvarar.

Monstruos, gnomos, duendes, trolls. Duendes, trolls, duendes, trolls. Monstruos, gnomos, duendes, trolls, pronto sairán.



sábado, 26 de octubre de 2013

GROTUS QUERE DIVERTIRSE NO SAMAÍN!!!

O vindeiro mércores día 30 celebraremos a festa do Samaín, xa sabedes que a festa é o día 31 pero que este ano non temos clase xa que se celebra o Día da Educación,  por iso adiantamos un día a celebración.



Este ano Grotus, que nos está axudando co traballo na aula de música, tamén quere participar na festa do Samaín. Supoño que lembrades que Grotus é un ser mitolóxico noruego e que na festa do Samaín estaremos rodeados de seres mitolóxicos galegos, entre outros.

Pois estade moi atentos o mércores porque na festa que terá lugar no ximnasio, e dado que estará ben escuro,  vai estar Grotus disfrazado de un personaxe moi galego, de bruxo. Deixovos unha foto para que o poidades recoñecer, xa que entre tanto disfraz pode ser dificil.


E aquí tedes o vídeo da canción para que vaiades practicando.

 

 Por se queredes seguir cantando aquí vos deixo a canción do ano pasado, que sei que vos gusta moito.



DEFENSA DA ESCOLA PÚBLICA

Fantástico vídeo en defensa da ESCÓLA PÚBLICA interpretado polos alumnos de primaria do CEIP Vicente Ferrer Ramos de Valderrobres (Teruel).





Frato e Gomaespuma, simplemente XENIAIS!!!

 

domingo, 13 de octubre de 2013

XOGAMOS?

Queredes xogar con Grotus?

Grotus preséntanos un xogo sinxelo, para ir quentando, sobre o vídeo no que vimos á orquestra interpretar "Na gruta do rei da montaña".








sábado, 12 de octubre de 2013

MISTERIO RESOLTO!!!

Pois xa está resolto o misterio co que comezamos o curso na clase de música. Agora temos un novo amigo, si, si..., falo de Grotus que quixo presentarnos a súa música preferida "Na gruta do rei da montaña" e ao seu compositor favorito Edvard Grieg.

Este curso aprenderemos moitas cousas sobre Edvard Grieg e sobre a súa obra máis famosa, "Peer Gynt".




Unha vez leido o conto e como Grotus quixo presentarnos a obra coa melodía de "Na gruta do rei da montaña" non imos levarlle a contraria, non vaia ser que se enfade e empeze a comer nenos ou profes, farémoslle caso e traballaremos con ela facendo diferentes actividades.

Empezamos vendo algúns vídeos que me parecen moi interesantes.







jueves, 3 de octubre de 2013

QUE MISTERIO!!!

EXTRAÑAS PEGADAS!


UNHA MONTAÑA TENEBROSA!


UNHA MÚSICA SOANDO...

QUE MISTERIO!!!

Moitas foron as preguntas: Quen deixou esas pegadas?, que lugar é o que aparece na fotografía?, que significa esa música que se escoita???

Os nenos do colexio estiveron estes días moi  atarefados tratando de atopar respostas. Tiveron que investigar, utilizando diversas fontes, sobre os extraños sucesos acontecidos na aula de música.

Como bos detectives que son foron atopando as respostas adecuadas. Fixádevos todas as pistas que atoparon os nenos de 4ºA.




Os nenos de 3º B despois das súas pesquisas e sospeitando que as pegadas eran de un troll deixáronlle unha nota invitandoo a vir ao cole e facéndolle algunhas preguntas. O troll non dubidou en contestalas e lles escribiu unha carta ben chula.



AS PEGADAS AS DEIXOU UN TROLL QUE VIVE NA GRUTA DA MONTAÑA DA FOTOGRAFÍA, QUE POR CERTO ESTÁ EN NORUEGA.

O SIMPÁTICO TROLL CHÁMASE GROTUS E É UN TROLL MOI BO E CON MOITAS GAÑAS DE APRENDER.


GROTUS envioume tamén un correo electrónico que eu lle leín a todos os  nenos:

Ola Merce.

Remítoche este correo electrónico porque seguro que ti e os nenos do colexio estades un pouco preocupados polas pegadas, pola foto e pola melodía que soaba na clase de música e que apareceron misteriosamente durante o fin de semana.

Eu chámome Grotus e son o que as deixou. Son un troll, pero non teñades medo xa que son un troll moi bo.

 A foto da montaña que deixei no cole é unha foto da miña casa e está en Noruega, pais que está cheo de trolls. Non sei si sabiades que aos trolls non nos pode dar a luz do día xa que nos converteríamos en estatua de pedra e esa montaña fai miles de anos non existía pero un día un troll xigantesco que era moi malo saíu da súa gruta cando era de día e se converteu en montaña. Agora nesa montaña vivimos máis de 100 trolls, e entramos polos buratos que parecen ollos.

A música que soaba na clase titúlase “Na gruta do rei da montaña” e é a miña favorita. Esta música a compuxo Edvard Grieg e forma parte da obra “Peer Gynt” e como me enterei de que ides traballar coa esta obra e con este compositor na clase de música decidín axudarvos dándovos información sobre eles.

Por agora non teño máis cousas que contarvos pero se tedes algunha dúbida ou queredes saber cousas de min o de Edvard Grieg podedes escribirme ao meu correo electrónico.


Se me escribides non esquezades poñer o voso nome e apelido e en que clase estades.

Ah, aí vai unha foto miña para que a poñades na clase!!! A que son guapiño???

Gustaríame estar con vos no colexio, pero xa sabedes que non pode darme a luz do día xa que me convertería en estatua de pedra. Cando teña que ir polo cole fareino de noite, pero entón seguro que non nos vemos xa que vos estaredes durmindo.

BICOS DE TROLL E FELICES MELODÍAS.

GROTUS