domingo, 16 de diciembre de 2012

IMPROVISANDO COS CLÁSICOS!!!



Os nenos de Infantil estiveron facendo improvisacións coa música do 3º movemento do concerto "Outono" de Antonio Vivaldi.

Foron moi creativos e comprenderon perfectamente a diferenza entre os conceptos "FORTE-SUAVE".

Aquí vemos unha pequena mostra do que fixeron.





domingo, 9 de diciembre de 2012

QUEN ERA O CAMPANEIRO???

Para os que estades estudiando a canción "Campaneiro", que sei que sodes todos, vos deixo un pouco máis de información sobre esta melodía e uns vídeos moi divertidos para que descansedes un pouqiño, e de paso podedes aprender a letra, que está en francés.

FRÈRE JACQUES é o título da canción infantil que é orixinal de Francia, xa sabedes os nosos veciños do norte da península, e Jacques era o fraile encargado de tocar as campás.





domingo, 2 de diciembre de 2012

THE FIRST NOEL




Xa estamos en Decembro, e aquí vos deixo a canción de nadal tradicional inglesa que estamos traballando coa frauta, para que a estudiedes.

Primeiro un simpático vídeo no que podemos escoitar a voz de ELLA FITZGERALD, unha das grandes voces do jazz.







FUN AO MERCADO

Unha nova canción do libro "MARÍA FUMAÇA", esta vez feita con pictogramas.

Clicade na formiga para escoitala.



martes, 27 de noviembre de 2012

OUTONO

Estas tres follas levarannos polo TEMA  do 3º movemento do concerto do outono da obra de Vivaldi.
Sempre que aparezan será que está soando o TEMA.


Clicade no debuxo para velas bailar!!!


lunes, 19 de noviembre de 2012

AS CATRO ESTACIÓNS DE VIVALDI: OUTONO

ANTONIO VIVALDI, naceu en Venecia no 1678 e morreu en Viena no 1741.


Vivaldi escribiu uns concertos para violín, que era o seu instrumento favorito, titulados "AS CATRO ESTACIÓNS", ou sexa que escribiu música para a primavera, verán, outono e inverno.

Nestes concertos o violín estaba acompañado pola orquestra, pero tendo esta un papel moi importante no desenvolvemento da obra.

Como estamos no outono imos estudiar a música que escribeu Vivaldi sobre esta estación.

O  concerto titulado OUTONO ten 3 movemementos:

- 1º movememento: Allegro
- 2º movemento: Adagio molto
- 3º movemento: Allegro 

Aquí vos deixo uns vídeos nos que a Filarmónica de Berlín dirixida por Karajan interpreta este concerto.








 Para iniciar a audición imos ver un fantástico vídeo de MÚSICA EN ALCALÁ.




 


domingo, 18 de noviembre de 2012

A BRUXA MARUXA

Acaba de publicarse un libro con CD e DVD titulado "María Fumaça", facendo alusión ao nome co que se coñeceu ás primeiras locomotoras de vapor en Brasil.


Neste libro unha teteira vermella semella a unha locomotora que nos conduce por diferentes cancións interpretadas por artistas galegos.

Ademáis este traballo ten unha importante función integradora xa que xira en torno a Ruí, un neno con parálise cerebral severa para o que a música é unha boa terapia.

clicade na portada do libro se queredes ter máis información



Un dos temas deste libro é  "A BRUXA MARUXA", co que imos traballar para aprender a bailar o vals.












CLICADE NA BRUXA PARA ESCOITAR A CANCIÓN


Aquí tendes un famosísimo vals, o da película "A bela durminte" de Disney, onde a princesa Aurora e o príncipe Felipe danzan con música de Tchaikovsky.




E para rematar déixovos o vals máis famoso do mundo, "O Danubio azul" composto por Johann Strauss (fillo) no ano 1867. Trátase da versión ofrecida no Concerto de Aninovo do ano 2011 pola Filarmónica de Viena.





viernes, 16 de noviembre de 2012

SAIREMOS COMO GALEGOS!!!

Un ano máis Gadis sorpréndenos cun orixinal anuncio. Esta vez o tema é a crise e os protagonistas os nenos.  

Non volo perdades!!!





O XOGO CHIRIMBOLO

Os nenos de 4 anos disfrutaron moito cantando a canción "O xogo chirimbolo".

Clicade no debuxo se queredes escoitala.


E se queredes ver aos pequeniños en acción non vos perdades estes vídeos.





martes, 13 de noviembre de 2012

10 ANOS DESPOIS: NUNCA MÁIS!!!!!!!

Hoxe, martes 13 de novembro e dez anos despois da traxedía do afundimento do petroleiro Prestige reanúdase a vista para esclarecer os feitos e depurar responsabilidades (moito me temo que esto vai ser imposible...).

Este feito sumiu a toda Galicia e a boa parte do mundo nun clima de terrible tristeza ao ver as nosas costas e aos nosos animais cubertos de chapapote.
O manto negro estendeuse como a noite durante moitos días pero para contrarrestar estendeuse tamén ese outro manto branco dos voluntarios que de todas partes do mundo chegaron ás nosas terras para axudarnos na traxedia.

GRAZAS a todos eles e a todas as persoas que dunha forma ou doutra colaboraron con nos durante moitos meses!!!!

Clicade na imaxe para saber como se desenvolveron os feitos.



Eses foron uns días que nunca olvidaremos e a escola non estivo ao marxe do que sucedía. Traballamos sobre o que pasara, fixemos actividades reivindicativas, manifestacións, etc, e na clase de música fixemos un rap que foi cantado e ilustrado polos alumnos de 3º curso de primaria, hoxe en día xa uns mozos.

Por aquel entonces non utilizábamos as TIC e o traballo foi un libro coa canción. Aquí volo deixo dixitalizado para que os que xa o coñecedes lle dedes un repaso e para que aqueles que érades moi pequenos ou que ainda non nacérades poidades aprendelo.







domingo, 11 de noviembre de 2012

CAMPANEIRO


Con esta canción, que é moi popular, imos repasar o concepto de canon.

Lembrade que o canon é unha composición musical formada por dúas ou máis voces que van entrando unha despois de outra interpretando todas a mesma melodía.

Tocarémolo con metalófonos, xilófonos, carillóns e frautas.

Antes de tocar a canción aquí tendes un xogo para estudiar a partitura!!!





Déixovos primeiro a partitura coa melodía e despois a partitura co canon a dúas voces, ainda que seguramente  farémolo a tres voces.







domingo, 21 de octubre de 2012

O SAMAÍN

O día 31 de outubro celebraremos O SAMAÍN, polo que esta semana estamos de preparativos.

Haberá moitas sorpresas e esperamos pasalo DE MEDO!!!


Na clase de música imos cantar a canción do grupo MAMÁ CABRA titulada "SAMAÍN".

Aquí vola deixo para que vaiades practicando.






domingo, 14 de octubre de 2012

AS FIGURAS MUSICAIS

Neste inicio de curso estamos repasando a duración das figuras musicais. Se pasades o rato a carón de cada figura teredes información sobre a súa duración.

Para rematar deíxovos un vídeo moi simpático que nos fala das figuras e que penso vos gustará a todos, pequenos e grandes.





A VACA MARELA

A Asociación de Gaiteiros Galegos realizou un proxecto chamado "PELO GATO 24" no que recolleu xogos e cantigas tradicionais galegas.

Clicade na imaxe para ter máis información sobre este documento.


A canción que estamos traballando no 2º ciclo é " A VACA MARELA".

Conta a historia dunha vaca un pouco diferente, que non quere ser convencional e rebélase para poder facer as cousas que máis lle gustan. Ah!, ademáis esta vaquiña ben baila un pasodobre galego como unha samba brasileira!!!

A vaca marela é unha raza autóctona de Galicia, coñecida fora como "rubia gallega", porque e de cor marrón clariño e non ten manchas.



AGORA IMOS COA CANCIÓN, clicade na imaxe para vela, ah e atención porque aquí coláronse as primas da vaca marela que tamén querían pasalo ben polo que veredes a moitas vaquiñas diferentes: marelas, con manchas, con flores ...







domingo, 7 de octubre de 2012

O CAMALEÓN

Seguimos coas cancións do libro de Susa Herrera, esta vez para os alumnos de 2º curso.

Xa a presentei na clase e foi todo un éxito porque esta melodía é pero que moi marchosa, case sen querer trasladámonos ao continente americano.

Os nenos contaron o que sabían dos camaleóns e a verdade é que estaban moi informados.

NENOS, como vin que o tema vos gustou moito aquí vos deixo uns vídeos moi interesantes, ademais da canción, claro!!!














O máis guapo da aldea eu non o son,
quero que me coñezas, eu chámome Ramón.
Que un león nunha cama non é un camaleón (bis)
Subido nunha pola descanso ao sol,
a cola redondiña semella un caracol.
Que un león nunha cama non é un camaleón (bis)
Saltóns son os meus ollos para xirar,
en todos os sentidos eu pódote mirar.
Que un león nunha cama non é un camaleón (bis)
Agóchome entre as flores co meu disfraz,
a isto que eu fago chámanlle “camuflar”.
Que un león nunha cama non é un camaleón (bis)
E se un bechiño eu quero merendar,
a miña lingua longa o vai atrapar.
Que un león nunha cama non é un camaleón (bis)
E para ir durmir teño un edredón
con moitas follas verdes, ¡que bonitiñas son!
Que un león nunha cama non é un camaleón…











O PORQUIÑO

Durante este curso imos traballar con diferentes cancións pertencentes ao libro de Susa Herrera "ANIMAIS ENCANTADORES".



O animal que se achega a nos para pasar un rato divertido cos nenos de 5 anos é o porquiño.

Xa o curso pasado aprenderon a canción "Os tres porquiños e o lobo" pero agora parece que o lobo quedou a durmir na casa porque aquí non se lle ve por ningures.

Clicade no debuxo para escoitar a canción.

Ademais prestade moita atención ás ilustracións porque despois teredes que facer un xogo!!!




IMOS COMPROBAR SE ESTIVECHEDES ATENTOS!!!


ORDEADE AS ILUSTRACIÓNS PARA CONTARNOS QUE COUSAS LLE PASAN AO PORQUIÑO DA CANCIÓN.

>


domingo, 30 de septiembre de 2012

LÉMBRASTE???

Xoga co libro interactivo para repasar conceptos de LINGUAXE MUSICAL.


 




HIMNO GALEGO

O HIMNO GALEGO conxuga o poema "Os pinos" de Eduardo Pondal cunha composición musical de Pascual Veiga.

O nome de Galicia non figura no poema, sendo substituido por "fogar de Breogán".

Esta composición foi interpretada por primeira vez no 1907 na Habana (Cuba).



Déixovos a partitura para que vaiades practicando as partes que vimos na clase.

 

 Se clicades na bandeira de Galicia podedes escoitar o himno.




¿Que din os rumorososna costa verdecente,ao raio transparentedo prácido luar?¿Que din as altas copasde escuro arume arpadoco seu ben compasadomonótono fungar?
Do teu verdor cinguidoe de benignos astros,confín dos verdes castrose valeroso chan,non des a esquecementoda inxuria o rudo encono;desperta do teu sonofogar de Breogán.
Os bos e xenerososa nosa voz entendene con arroubo atendeno noso ronco son,máis sóo os iñorantese féridos e duros,imbéciles e escurosnon os entenden, non.
Os tempos son chegadosdos bardos das edadesque as vosas vaguedadescumprido fin terán;pois, onde quer, xigantea nosa voz pregoaa redenzón da boanazón de Breogán.