AVISO IMPORTANTE!!!

AVISO IMPORTANTE!!!

domingo, 22 de octubre de 2017

MARCHA RADETZKY

A Marcha Radetzky é unha composición de Johann Strauss (pai), escrita no ano 1848.


Johann Strauss naceu e morreu en Viena e é o primeiro dunha dinastía de grandes músicos, xa que os tres fillos que tivo tamén dedicáronse a compoñer música.



A súa obra máis coñecida é a Marcha Radetzky. Esta marcha compúxoa en honor a un militar austríaco chamado Radeztky que gañou varias batallas durante unha revolución.


Premede na imaxe e escoitaredes a melodía.



A Marcha Radetzky é mundialmente famosa porque se interpreta, por parte da Orquestra Filarmónica de Viena, o día 1 de xaneiro de todos os anos no Concerto de Ano Novo.

Mentres soa esta música o director vólvese cara o público e diríxeo para que toque palmas seguindo o pulso da melodía e marcando as diferentes intensidades.

Este concerto celébrase dende o ano 1939 e transmítese por radio e por televisión a todo o mundo.

Os directores invitados a levar na batuta neste concerto son os mellores do mundo.

Déixovos o vídeo do concerto deste ano baixo a batuta de Gustavo Dudamel.




viernes, 20 de octubre de 2017

A NOSA CANCIÓN!

Despois de visionar os vídeos e de traballar coa melodía comezamos a escribir a letra da nosa canción.

Premede na imaxe porque tedes máis información.




domingo, 15 de octubre de 2017

CUALIDADES DO SON: INTENSIDADE

A INTENSIDADE é o grao de forza que ten un son. Así teremos sons fortes, medios ou suaves.



Déixovos uns xogos para practicar. Como serán os sons que escoitedes?









viernes, 13 de octubre de 2017

FRAY SANTIAGO

Imos traballar cunha das cancións infantís máis coñecidas do mundo. A súa orixe é francesa, e o nome orixinal é "Frére Jacques".

Aquí coñecémola como "Fray Santiago" ou tamén como "Campaneiro".

Esta melodía pode tocarse como un "canon" a varias voces, e íso é o que faremos, tocala a tres voces.

Vexamos diferentes vídeos para familiarizarnos coa melodía e a continuación comezaremos a tocar.











Agora estudiaremos a melodía.





Con estes vídeos tocaremos cos tubos afinados.








E agora imos co canon.




martes, 10 de octubre de 2017

O MONSTRO DE CORES

CHEGOU A REVOLUCIÓN !

A biblioteca do cole está en proceso de cambio. Imos facer a biblioteca que queremos!

En todas as clases estades aportando ideas sobre como vos gustaría que fora, a partires deste curso, a biblioteca do colexio.

Pronto haberá unha asemblea de delegados e subdelegados para tomar acordos sobre os cambios que levaremos a cabo, partindo das vosas aportacións.

Na clase de música faremos un conto para que estea sempre na biblioteca, pero non será un conto calquera, será un CONTO MUSICAL.

E xa que estamos en plena revolución de sentimentos, porque Inzilbeth, a nosa queridiña mascota, tivo que marchar repentinamente, que mellor conto que "O MONSTRO DE CORES".

Os alumnos de 3º curso faredes unha versión musicada dese fantástico conto.

Teredes que escribir as partituras, escribir o conto en papel, interpretar o conto cos instrumentos e gravalo para que todo forme parte da nova biblioteca. 

Pasarémolo moi ben pero teremos moito traballo!

Empezamos con algunha información sobre o conto.





Agora premede no debuxo e repasaremos as diferentes cores!




Nun próximo post explicarei como vos organizaredes para facer este traballo.



domingo, 8 de octubre de 2017

CUALIDADES DO SON: DURACIÓN

A DURACIÓN é o tempo que ocupa un son dende que empeza ata que remata. Existen sons longos, sons de mediana duración e sons curtos. Se combinamos a duración de diferentes son temos distintos ritmos.



Imos facer os seguintes xogos para practicar a "DURACIÓN". 

Como serán os sons? 

Longos ou curtos?








EXPRESANDO AS EMOCIÓNS!



Os nenos de 1º e 2º de primaria fixeron un exercicio de improvisación de movementos utilizando o corpo como instrumento para a expresión de sentimentos e emocións.

Despois de facer unha primeira audición co musicograma do o "Outono" de Antonio Vivaldi expresáronse nun divertido xogo.

Chicos, fixéstelo moi ben!















domingo, 1 de octubre de 2017

ESTAMOS NO OUTONO

O outro día bailamos ao ritmo do 3º movemento do "Outono" de Antonio Vivaldi.

Foi moi divertido e o son que faciades cos pompóns parecía o mesmo que fan as follas das árbores cando o vento as move. Pronto subirei os vídeos para que podades velos.

Agora imos tocar instrumentos ao mesmo tempo que soa a música.

Os instrumentos de percusión que utilizaremos son:



Utilizaremos un musicograma de "Musikarma".








CABEZA, HOMBROS, RODILLAS, PIES!

Unha canción para os máis pequenos, que hai que cantar prestando moita atención porque van ir desaparecendo as palabras e só poderedes facer os xestos, pero sen equivocaros.

Preparados para cantar e bailar?  Pois adiante!




XOGEMOS COAS ARAÑAS!

Pese a que as arañas non son o meu o meu bichiño favorito, puajjjjjjjj, paga a pena pasar un rato con elas para practicar a colocación das notas no pentagrama.

Grazas a este xogo feito por Julio Payno aprenderedes dunha forma moi divertida.

Premede nas arañas e a xogar!





ALELUYA

"Aleluya" é unha expresión de alegría utilizada pola relixión cristiana como demostración de xúbilo.

No ano 1984 o cantante canadiense Leonard Cohen compuxo unha canción titulada "Hallelujah" que se fíxo mundialmente famosa.



Esta canción formou parte da banda sonora da película de animación "Shrek" e podemos escoitala no seguinte vídeo.





E agora veredes unha magnífica versión protagonizada por escolares o ano pasado.




Os alumnos de 5º curso, divididos en grupos, debedes escribir unha letra para esta melodía.

As normas que debe cumprir a vosa composición publicareinas nun próximo post.


domingo, 24 de septiembre de 2017

XA CHEGOU O OUTONO!

Nótase ben que o verán rematou e que o outono xa está aquí.

Aproveitando o cambio de estación imos aprender algunha cousiña sobre un importantísimo compositor italiano, ANTONIO VIVALDI.

ANTONIO VIVALDI, naceu en Venecia no 1678 e morreu en Viena no 1741.


Vivaldi escribiu uns concertos para violín, que era o seu instrumento favorito, titulados "AS CATRO ESTACIÓNS", ou sexa que escribiu música para a primavera, verán, outono e inverno.

Nestes concertos o violín estaba acompañado pola orquestra, pero tendo esta un papel moi importante no desenvolvemento da obra.

Como estamos no outono imos estudiar a música que escribeu Vivaldi sobre esta estación e aprenderedes a diferenciar as partes da música que son FORTES das que son PIANO.

Estas tres follas levarannos polo TEMA  do 3º movemento do concerto do outono da obra de Vivaldi.
Sempre que aparezan será que está soando o TEMA.


Premede no debuxo para velas bailar!!!



E agora seredes capaces de bailar como se forades follas en outono?

SEGURO QUE SIIIII!!!!!!!  A BAILAR!!!!!!!!!!!!!!!

IMOS TOCAR A FRAUTA!

Como todos os cursos un novo grupo de frautistas principiantes afrontan o reto de conseguir un bo son con este instrumento.

Empezaremos cunha canción moi sinxela chamada "Rondín Picotín".

As notas que utilizaremos son SI e LA.



E agora a canción.




miércoles, 16 de agosto de 2017

PECHADO POR VACACIÓNS!


AGORA SIIII!!!!!




SOMOS COMPOSITORES!

Máis vale tarde que nunca!

Por fin puiden publicar o traballo que fixeron os alumnos de 3º durante o pasado curso.

Para empezar a tocar coa frauta tiveron que inventar unha melodía entre todos e o resultado non está nada mal.

Déixovos o traballo rematado para que pasedes un bo rato!








miércoles, 24 de mayo de 2017

O ANDAR MIUDIÑO

Neste repaso da música tradicional galega imos cunha cantiga que podemos escoitar cando o equipo de baloncesto "Obradoiro" de Santiago de Compostela, xoga un partido na súa cancha.













sábado, 13 de mayo de 2017

ESTANDO A MORA NO SEU LUGAR

Imos cunha divertida canción acumulativa, "Estando a mora no seu lugar".

Prestade moita atención e non esquezades ningún personaxe!





lunes, 8 de mayo de 2017

DIME QUE FIXECHES!


Cantaremos un clásico do grupo MIGALLAS. 

A canción "Dime que fixeches" a bo fe converterase nun éxito entre os máis pequenos do cole, pero temos un pequeno problema. Resulta que dous personaxes da canción non están na clase de música.

A cegoña coma ten moita vergoña escondeuse dos nenos e Antón non quixo deixala soa e agachouse con ela.

Pepiño contounos que están agachados polo cole, non é a primeira vez que o fan, e que temos como misión atopalos.
Explicounos que fai moitos anos xa escaparan da aula de música e que os nenos argallarán un plan  para atopalos que deu moi bos resultados.

O plan tiña dúas partes: a primeira parte consistiu en aprender a cantar a canción moi ben e a segunda parte foi ir por todo o colexio cantando a canción baixiño ata que a escoitaron a cegoña e Antón e sairon do seu escondite.

Como o plan foi todo un éxito este ano faremos o mesmo a ver se os atopamos pronto.

Imos coa primeira parte, APRENDAMOS A CANCIÓN MOI MOI BEN!




domingo, 23 de abril de 2017

TOCAMOS O HIMNO GALEGO

O próximo día 17 de maio celebraremos o Día das Letras Galegas e este ano, que está dedicado ao escritor Carlos Casares, tocaremos para pechar a festa o noso himno.

Premede na bandeira para ver o vídeo e a partitura.