lunes, 21 de diciembre de 2015

UN CONCERTO FANTÁSTICO!!!

O concerto que deu no colexio a Banda de Música de Sanxenxo foi fantástico. Pasámolo moi ben e aprendemos moitísimas cousas.






-

viernes, 27 de noviembre de 2015

UXÍA LAMBONA E A BANDA MOLONA

Fachiño quere saber como se chaman as partes do corpo dos humanos, xa que o seu corpo non se parece nada ao noso.

Imos cantarlle unha canción para que aprenda o nome dalgunha delas.

A canción titúlase "Esto báilase así" e pertence ao disco de "Uxía Lambona e a Banda Molona".






martes, 24 de noviembre de 2015

CONCERTO DA BANDA DE MÚSICA DE SANXENXO

O venres 4 de decembro recibiremos no colexio á Banda de Música de Sanxenxo. Darán un pequeno concerto para todos os alumnos de Primaria.

Aquí vos deixo un xogo co que aprenderedes moitas cousas sobre os diferentes instrumentos da Banda.


Clicade na fotografía para empezar a xogar!


domingo, 8 de noviembre de 2015

CAMPANEIRO: MUSICOGRAMA

Parece que a Fachiño lle van gustando as diferentes interpretacións que está escoitando na aula de música, da nana que escollimos. 

Díxome que pola noite lémbrase da canción e os ollos empezan a pechárselle, pero aínda temos que seguir traballando para que poida durmir como un tronco.

Aquí vos deixo un musicograma para que os pequenos acompañedes a melodía con axóuxeres e con claves.

Clicade na imaxe do campaneiro para velo.


lunes, 2 de noviembre de 2015

FACHIÑO NON PODE DURMIR!!!

Fachiño xa está na aula de música e agora espera impaciente a cerimonia de inauguración dos "Xogos Olímpicos" do colexio.

Está moi contento porque xa coñeceu a todos os nenos, pero ten un pequeno problema. Díxome que non é capaz de durmir e nótase un pouco cansado. Que vos parece se lle axudamos un pouquiño???

Poderíamos cantar e tocar unha nana tradicional que todos escoitáchedes algunha vez, FRÈRE JACQUES, qué é o título da canción infantil orixinal de Francia, xa sabedes os nosos veciños do norte da península, ahhh! e Jacques era o fraile que se encargaba de tocar as campás da igrexa.

Aprenderedes a tocala coa frauta, cos instrumentos de placas e con instrumentos rítmicos, pero antes déixovos algúns vídeos para que vaiades afinando...













Agora que xa estudíachedes a partitura empezaremos a tocar a canción.





domingo, 25 de octubre de 2015

BUSCANDO A FACHIÑO!

Durante esta semana os nenos de 1º e 2º tiveron unha importante misión: BUSCAR A FACHIÑO.

Seguiron as frechas musicais, que eran as que sinalaban o camiño correcto e rexeitaron as indicacións que lles ofrecían as frechas non musicais coa única intención de afastalos de Fachiño.

Atopárono no Departamento de Orientación, porque seica alí estaba moi quentiño.

Fachiño púxose moi contento porque xa levaba moitos días rulando polo colexio e apetecíalle ir para a clase de música onde compartirá este curso con todos os nenos.

Déixovos unhas fotos para que gozedes tanto como fixeron os nosos detectives de 1º e 2º.



-


sábado, 10 de octubre de 2015

SAMAÍN OLÍMPICO

Pronto celebraremos o Samaín e o deste ano seguramente será olímpico, xa sabedes, as bruxas máis feas, os fantasmas máis terroríficos, os vampiros máis pálidos... En fin, que se sempre pasamos algo de medo, este ano non vos digo nada, creo que será medo olímpico.

Aprenderemos unha canción que ten como protagonista a unha bruxa olímpicamente boa!!!

Déixovos a letra e a canción para que vaiades practicando.

Ah, que non o dixen, a canción titúlase "A bruxa Maruxa"!!!



clicade na bruxa Maruxa para escoitar a canción





martes, 22 de septiembre de 2015

CARROS DE FUEGO

Iniciamos o proxecto deste ano, "SOMOS OLÍMPICOS",  co conto do pentagrama aventureiro.

E agora preparádevos para tocar unha fantástica melodía representativa dos xogos olímpicos.



"CARROS DE FUEGO" é unha película baseada en feitos reais, cuxos protagonistas son dous mozos británicos que participan nos xogos olímpicos do ano 1924 en París.

A banda sonora do compositor griego Vangelis é unha das máis famosas do mundo.




Na inauguración dos xogos olímpicos de Londres 2012 Mr. Bean formou parte da orquestra que tocou esta melodía.




Aquí vos deixo a partitura para que vaiades estudando.




Partitura con instrumentación.






UN PENTAGRAMA AVENTUREIRO


Esta é a historia dun pentagrama que se cansou de estar sempre na clase de música.


miércoles, 9 de septiembre de 2015

BENVIDOS!!!

Benvidos a un novo curso!!!

Para que empezedes cun gran sorriso aquí vos deixo un simpático vídeo de Bugs Bunny director de orquestra.

Ánimo que xa queda menos para as próximas vacacións je je...




sábado, 27 de junio de 2015

FELICES VACACIÓNS!!!


Despois de un curso de moito traballo todos merecemos un descanso!



VÉMONOS EN SETEMBRO!!!


jueves, 21 de mayo de 2015

O REI LEÓN

O mércores 27 estaremos en Madrid e asistiremos ao musical "O rei león". É un espectáculo fantástico do que todos disfrutaremos moitísimo, o sei por experiencia!!!

Aquí vos deixo algúns vídeos para que vaiades abrindo boca.















domingo, 17 de mayo de 2015

UN METRÓNOMO MOI ARTÍSTICO!

O luns 25 os alumnos de 6º acompañados de catro profes saímos con rumbo a Madrid.



Será unha viaxe chea de experiencias e haberá tempo para todo. Unha das visitas que faremos será ao "Museo Nacional Centro de Arte Reina Sofía" e alí veremos diferentes obras, unha das cales ten moita relación coa música. É unha escultura xigante dun metrónomo moi orixinal.


clicade na foto para ver a ficha da obra


Esta escultura é unha réplica xigante dunha obra de Man Ray, un artista estadounidense da época do surrealismo, que representa a un metrónomo no que na parte de arriba da súa varilla colocou un ollo.
Dependendo de onde esteamos colocados podemos ver o ollo aberto ou pechado.

A obra orixinal titulábase "Obxecto para ser destruido" e foi feita no ano 1923. Era un metrónomo de 26 cm no que puxo, na parte superior da varilla, un ollo. Cando a moza do autor o deixou este colocou no metrónomo unha fotografía do ollo dela e cambioulle o nome polo de "Obxecto de destrución". No ano 1957 un grupo de estudantes destruiron o metrónomo. No 1963 Man Ray fixo outro ao que lle puxo por nome "Obxecto indestructible" e está exposto no Museo de Arte Moderno de New York.



A ver quen o atopa antes cando esteamos no museo!!!

miércoles, 13 de mayo de 2015

AÍ VEN O MAIO...

Outro ano máis a construción do "MAIO" serviu para pasar un día moi divertido e para disfrutar dunhas coplas que cantaron moi ben os nenos de 5º e 6º.

Moitas grazas ás familias pola súa colaboración e a Laura, a fotógrafa do cole, que tamén fixo a gravación das coplas.


Xa chegou o mes de maio
todo fermoso e florido
e a o cole do Cruceiro
encheunos de colorido.

Para facer este maio
tivemos que recoller,
o fiuncho, os pampullos
e as laranxas tamén

Neste cole tan velliño
todos facemos o maio
e poñemos o fiuncho
con moitísimo coidado.

Os rapaces do Cruceiro
queren un novo colexio
piden ao goberno enteiro
que espabilen cos terreos.

Que din que non hai terreos,
que se non chegan os cartos
e o colexio do Cruceiro
estase caendo a cachos.

Seica xa non hai fondos
para semellante “obra”
que nos deixen unha “black”
anque so sexa unha hora.

Catalina prometeunos
un colexio ben noviño
pero ela está pendente
do caudal do río Miño.

Paseouse o conselleiro
a alcaldesa e Mari Paz,
só faltaba no Cruceiro
o pequeno Nicolás. 
Este ano no Cruceiro
imos ir todos guapiños
vannos poñer uniforme
para ir todos igualiños.

Non  é nada obrigatorio
poden vir como lles pete
soamente hai que facer
que uns a outros se respecten.

Nós seguimos estudando
neste cole “medieval”
todo cheo de buratos
que ninguén quere arranxar.

Este ano co Quixote
estamos a traballar
e as súas aventuras
todos imos a lembrar.

Necesitamos diñeiro
para o parque de atraccións
e se non o conseguimos
caemos en depresión.

A Madrid iremos xuntos
a finais deste mes,
se non chove e fai bo tempo
pasarémolo moi ben.

Este maio ben molou
e o tedes que admitir
coas rimas que fixemos
vos podedes divertir.






lunes, 4 de mayo de 2015

CELTIC ROOTS

Neste trimestre traballaremos en todo o colexio coa música tradicional galega. 

Os nenos de Infantil empezáchedes cun fantástico concerto de Magín Blanco que xa sei que vos encantou.

Agora imos retomar un tema que xa ten uns anos e que formou parte  dun proxecto educativo multidisciplinar que tivo como obxectivo afondar no coñecemento entre nenos de paises que comparten unha cultura atlántica común. 
Neste proxecto fusionáronse a música tradicional galega e irlandesa e colaboraron nel músicos de relevancia en Galicia e no Reino Unido.

Celtic Roots - The Anthem from Casa de Tolos, S.L. on Vimeo.


Cando Inzilbeth cumpriu 5 anos fixémoslle como agasallo dos nenos de Educación Infantil unha danza con este tema que agora aprenderedes vos. Eles bailaron moi ben e seguro que vos o facedes aínda mellor.

Ah, por certo, estes bailaríns aínda andan polo cole!!! COÑECEDES A ALGUÉN???





martes, 28 de abril de 2015

MUIÑEIRA CORRIDA

Aquí vos deixo a canción con pictogramas. Clicade en Felisa para escoitala.




O CONCERTO!!!

Aquí vos deixo unhas fotos do concerto que reflicten o ben que o pasamos todos. Clicade na foto da nena e o grilo e A CANTAR!!!


sábado, 25 de abril de 2015

NO PAÍS DAS APERTAS

Os nenos de 4 e 5 anos quixeron visitar o "País das apertas" e ao igual que a nena e o grilo puxeron todo o seu empeño en darse as apertas máis agarimosas do mundo.




miércoles, 15 de abril de 2015

O CARRO


Canción do emblemático grupo galego "Fuxan os ventos", que se creou en Lugo no ano 1972.

O seu compromiso coa cultura galega é patente en todas as súas obras, que levaron  por toda Europa. O repertorio inclinouse cara a música popular galega, recollendo cantigas tradicionais e incluindo temas de composición propia.
Asumiron coas súas composicións un forte compromiso social e de reivindicación do idioma e da cultura propia do pobo galego.

No ano 1989 o grupo deu o que supuxeron sería o seu derradeiro concerto, xa que o traballo que seguen a facer non é de cara ao público e só en contadas ocasións fan algunha actuación.

O seguinte vídeo pertence ao espectáculo "Terra de soños" posto en escea os días 18 e 19 de outubro de 2008 no auditorio de Galicia, en Santiago de Compostela.




Non canta na Chá ninguén,
por eso, meu carro canta,
canta o seu eixo tan ben
que a señardade me espanta (BIS)

Non hai canto tan fermoso,
fino como un asubío,
anque  as vegadas, saudoso
faise no ar rechouchío.

Non canta na Chá ninguén,
por eso, meu carro canta,
canta o seu eixo tan ben
que a señardade me espanta.

O meu carro é cerna dura,
sábese carballo e freixo.
Que fermosa  a súa feitura!
Que lixereza a do eixo!

As cousas vanse aledando
por onde o meu carro pasa.
Carrétame herba pra o gando!
Traeme a colleita pra casa!

Non canta na Chá ninguén,
por eso, meu carro canta,
canta o seu eixo tan ben
que a señardade me espanta (BIS)


Aquí vos deixo a partitura para que a vaiades practicando.






domingo, 5 de abril de 2015

CONTO "A NENA E O GRILO NO PAÍS DAS APERTAS"

Espero que vos guste este conto sobre o concerto "A nena e o grilo no país das apertas".



Déixovos tamén unha bonita canción que escoitaremos no concerto! 

 Clicade no corazón para escoitala.


miércoles, 1 de abril de 2015

A NENA E O GRILO NO PAÍS DAS APERTAS

Neste mes os nenos de Educación Infantil asistiredes a un marabilloso espectáculo, "A nena e o grilo no país das apertas".

A min non me da chegado o día e para entreterme vou ver moitas veces os seguintes vídeos.

ANIMÁDEVOS TAMÉN!!!









FELIZ ANIVERSARIO!!!

Pronto celebraremos no cole o aniversario de alguén moi especial. Sabedes de quen falo?... Seguro que siiiii!!!

Aquí vos deixo unha versión da terra do tema que todos cantamos cando alguén está de aniversario, a partitura da canción para que vaiades practicando e outra versión protagonizada por simpáticos personaxes.











domingo, 22 de marzo de 2015

AI PEPIÑO ADIÓS!


Canción tradicional galega moi cantada en todo tipo de festas, sobre todo nas familiares.

Fixádevos no texto, no que hai palabras que coma sempre ocorre coas cantigas do folklore non se adaptan á normativa linguística.

Ai Pepiño, adiós,
ai Pepiño, adiós,
ai Pepiño por Deus non te vaias,
quédate con nós,
quédate con nós,
non te vaias afogar na praia
como nos pasou a nós.





FANTÁSTICO CONCERTO!!!

O concerto de Odaiko foi fantástico, sempre conseguen sorprendernos coas súas "invencións".




martes, 10 de marzo de 2015

DE CONCERTO CON ODAIKO... OUTRA VEZ!!!

O vindeiro 18 de Marzo o 3º ciclo asistiredes a un concerto do grupo de percusión Odaiko. É unha actuación diferente á que vimos o ano pasado e que tanto nos gustou a todos.

O espectáculo que veremos titúlase "Invención" e está ubicado nun  contexto histórico que comeza no século XVIII  e chega ata a actualidade. Odaiko fai un repaso das grandes invencións do home, empezando polo famoso Bach, creador do que para os musicólogos era o Rock da época, pasando por outras invencións froito de procesos coma a industrialización, a introdución do plástico, e algunha máis cercanas á percusión, como son a aparición da batería, ou moitos outros instrumentos que comezaron froito da casualidade do día a día.

Aquí vos deixo novos vídeos do grupo para ir meténdonos en materia.










Se queredes repasar os vídeos que vimos o ano pasado buscadeos no blog.

Ahhh... e botádelle un vistazo ás normas básicas que debemos cumprir cando asistimos a un concerto !!!


FEIRA MEDIEVAL

A Feira Medieval chegou ao seu fin e xa estamos de novo na nosa época. Os dous días de volta ao pasado foron fantásticos e o cole estaba precioso. 

Dentro de todas as actividades que se fixeron, na aula de música tiñamos dous importantes traballos: poñer un posto de venta de instrumentos feitos con material de refugallo, do que se encargaron os nenos de 1º e 2º, e dar un concerto medieval, que fixeron os de 3º, 4º. 5º e 6º.

As dúas actividades foron un éxito e no concerto ata nos pediron "bises".

Aquí vos deixo un pequeno resumo do traballo que fixemos.


martes, 20 de enero de 2015

QUEN É MALALA?

Este ano imos celebrar o Día Escolar pola Paz con MALALA.

QUEN É MALALA?



Malala naceu en Pakistán o 12 de xullo de 1997.




O 9 de outubro de 2012 dous talibáns interromperon o percorrido dun autobús escolar que viaxaba polo valle de Swat en Pakistán e con armas na man subiron ao autobús e preguntaron "Quen é Malala?" A continuación empezaron a disparar contra a xoven e as súas amigas. Malala foi ferida na cabeza e  no pescozo e estivo meses hospitalizada.

Os terroristas que lle dispararon pensaron que coas súas balas farían calar para sempre a Malala, que loitaba porque as nenas tiveran dereito á educación, pero non o conseguiron. Fixeron que Malala loitara máis que nunca polo dereito das mulleres a ir á escola.

No ano 2014 concedéronlle o PREMIO NOBEL DA PAZ.

Clica na imaxe de Malala para ter máis información.



O compositor mexicano Arturo Márquez compuxo no ano 2013 unha obra para coro e orquestra dedicada a Malala.