O martes 3 de decembro os nenos de 1º e 2º asistiredes a un concerto de Magín Blanco, que presenta o seu último disco, “A nena e grilo máis aló”.
A nena e o grilo esmagan sen querer á súa amiga Xertrude, a araña. Buscando un xeito de devolverlle a vida, atópanse cuns artistas ambulantes que os guiarán a través da maxia e da música ao país dos mortos onde a tentarán atopar para traela de volta.
CONSEGUIRANO???
Aquí vos deixo un pequeno adianto do que veremos no teatro.
O día 25 de febreiro o alumnado de 1º e 2º asistiredes a un concerto do grupo "Mamá Cabra" en Pontevedra.
Como é un grupo que nos gusta moito sabemos que ímolo pasar moi ben.
O espectáculo leva por título "Eu cociño, ti cociñas?" e todas as cancións que forman parte do libro -disco falan, como non podería ser de outra forma, de comida.
Fíxadevos nestas fotos do concerto!
E como non está moi lonxe o entroido empezamos cunha canción titulada "Filloas".
O 17 de marzo os nenos de 1º e 2º de primaria asistiredes a un concerto de "Mamá Cabra".
O espectáculo titúlase "Paxaro amigo. Músicas para a paz", e conta a historia dun ornitólogo que anda en busca dun paxaro en extinción. O ornitólogo prefire a compañía dos paxaros á da xente, porque pensa que as persoas só saben facer guerras.
Unha personaxe misteriosa faralle ver, a través das cancións, que as persoas podemos facer moitas cousas para aprender a vivir en paz.
O luns 6 de febreiro os alumnos de 3º e 4º asistiredes a un concerto de "Gaiteiros da Xistra" en Pontevedra.
Veremos unha divertida historia que transcurre na república independente de Xistralia.
Non a busquedes nos mapas porque non a atoparedes pero asegúrovos que está aí, exactamente ocupa parte do sur de Galicia e do norte do pais veciño, Portugal.
En Xistralia viviremos unha aventura da man dunha rapaza chamada Sandra e dun caracol, que quere ser músico, chamado Meirol. Os dous deberán liberar aos nenos de Xistralia que foron raptados por Terco, un dragón de dúas cabezas. Terco rapta aos nenos e agocha os instrumentos musicais para que non poida haber festas.
Coñeceremos moitos instrumentos e diferentes ritmos galegos e axudaremos a Sandra e a Meirol a liberar aos rapaces. En Xistralia todo pode pasar!!!
Aquí temos uns pequenos fragmentos do espectáculo para ir abrindo boca!
O venres recibimos a membros da Banda de Música de Sanxenxo. Viñeron cos seus instrumentos dispostos a facernos pasar un rato divertido e a ver se a alguén lle entraban as ganas de converterse nun futuro membro da Banda.
A Banda de Música de Sanxenxo volve ao colexio para ofrecernos un concerto. Será o día 23 de setembro e seguro que aprenderemos tantas cousas como o curso pasado.
Repasaremos na clase o xogo que fixemos con motivo da súa primeira visita ao centro e aprenderemos algunhas cousas máis.
