QUEREMOS PAZ

O alumnado de 6º curso de Educación Primaria fixo a coreografía para a canción "Queremos paz", que cantaremos e bailaremos o luns 30 de xaneiro.

Danzemos con eles!

CLAP, CLAP SOUND

Acompañaremos esta bonita melodía utilizando campás, e boomwhackers.

AXUDEMOS A PAPÁ NOEL!

O Grinch roubou o trineo de Papá Noel, que estaba cheo de agasallos para repartir aos nenos e nenas de todo o mundo.

Papá Noel pediulle a Pepiño e a Sargantana que lle axuden a buscalo, pero para conseguir atopalo necesitarán a colaboración dos nenos e nenas de Infantil.

Chicos, temos unha misión!

ONDE ESTÁ PEPIÑO?

Sargantana está buscando a Pepiño e non o atopa por ningún lado. Onde estará?

Queredes axudar a Sargantana a buscalo?

Pois imos alá!

SAMAÍN

Pronto será Samaín e ainda que este ano tampouco poderemos estar todos xuntos para celebralo, nas clases de música faremos cancións, danzas e xogos para converternos neses seres monstruos que  se pasean polas rúas nestas datas tan terroríficos.

WE WILL ROCK YOU

DANZAMOS!

Despois de tocar a canción con diferentes instrumentos agora toca bailar.

Aquí tedes unha coreografía que debedes aprender. Empezamos a practicar!

THRILLER

Este curso non puidemos facer unha actividade común para celebrar a festa de Samaín, pero na clase de música todo o alumnado de primaria bailou, durante esta semana, "Thriller" de Michael Jackson.

Aquí están todos os vídeos destes zombis tan marchosos.

ATA O VINDEIRO CURSO!

Despídome de vós, ata setembro, cunha canción moi optimista e con moita marcha!

 BOAS VACACIÓNS! 

DANCE MONKEY

"Dance monkey" é un tema da cantante australiana Tones and I, publicado no ano 2019 e  que chegou aos máis altos postos das listas de éxitos en diferentes paises do mundo.

Toni empezou cantando e bailando na rúa ata que o que se convertiría no seu manager a descubriu e invitouna a formar parte da súa axencia.

Imos traballar con esta canción bailando e tocando.

Déixovos 3 vídeos con coreografías para todo o mundo.

A BAILAR!

E agora imos acompañar a canción tocando diferentes ritmos, utilizando vasos ou calquera outro  instrumento ou obxecto co que podades facer sons.

A TOCAR!

TKN

Xa temos o novo disco de Rosalía con Travis Scott, estrela do hip hop.

Imos empezar o último mes do curso cunha inxección de enerxía!



Atrevédesvos coa coreografía?

SEGURO QUE SI!

MUIÑEIRA CORRIDA

No mes das Letras Galegas traballaremos con música tradicional.

Empezaremos cunha canción moi xeitosa titulada "Muiñeira corrida".

Agora que xa coñecedes a canción imos acompañala con instrumentos tradicionais.

Xa sei que os instrumentos están no colexio, pero moitos de vós tedes na casa algún dos instrumentos que aparecen no vídeo e todos tedes botellas, culleres de pao ou de metal, vasos, tixolas, tapas... e calqueira cousa coa que podades facer sons. Utilizade a imaxinación!

Xa sabedes que a música tradicional sempre foi acompañada por calqueira utensilio da casa co que se puidera facer un ritmo.

Seguro que o facedes xenial!

MUSIKEANDO CO XOGO DA OCA

Para esta semana déixovos un xogo da oca musical.

  CANTAR, BAILAR E TOCAR!  

É un xogo para facer en familia, xa que ten moitas actividades con diferentes graos de dificultade.

  TODOS A XOGAR!  

😄😄😄

AXENDA PARA ESTA SEMANA

Ola chicos!

Déixovos unha axenda con actividades para esta semana.

Hai traballo para todos os cursos. Elixide vós o que queredes facer.

De todas formas seguirei poñendo máis actividades e xogos durante estes días.

JINGLE BELLS

Por mor da chegada do Nadal os alumnos de 1º xogarán e bailarán cuns graciosos bonecos de neve. A canción escollida é a popular "Jingle Bells".

LA COSTA DEL SILENCIO

Co proxecto de centro deste curso, "Mares de plástico", trataremos de concienciarnos sobre o grave problema que supón para a vida no planeta o cambio climático, provocado en gran medida polas agresións que o ser humano provoca no seu entorno.

Para introducirnos no tema lembraremos o gran desastre mediambiental que se produciu nas nosas costas no ano 2002 co afundimento do petroleiro Prestige.

A banda española de folk metal, MÄGO DE OZ, compuxo no ano 2003 unha canción chamada "La costa del silencio" na que se fala das causas e consecuencias do afundimento deste barco.

Déixovos o vídeo de Mägo de Oz e a letra da canción.

FLASHMOB "WE WILL ROCK YOU"

Como remate do proxecto deste curso, "Un cole de película", os alumnos de 5º e 6º  puxeron en escena un flashmob coa canción "We will rock you", da película "Bohemian Rhapsody", que previamente habían coreografiado.

O seu obxectivo era sorprender aos compañeiros e conseguírono.

Non volo perdades!

BO TRABALLO CHICOS!!!

WE WILL ROCK YOU

Durante o segundo trimestre, e continuando co proxecto do centro "Un cole de película", o alumnado de 5º e 6º traballou coa película "Bohemian Rhapsody".

Unha das actividades que fixeron foi coreografiar a canción “We will rock you”, que forma parte da banda sonora da película, e poñerlle letra ao estribillo.

Vexamos o seu traballo! Noraboa chicos!

Pero esta película non acaba aquí. 

No terceiro trimestre que todo o mundo teña os ollos ben abertos porque veremos o final.

WE WILL ROCK YOU

"We will rock you" é unha das cancións máis coñecidas do grupo Queen. Foi composta por Brian May, o guitarrista da banda e gravada no ano 1977.

Esta canción é mundialmente coñecida polo seu ritmo pegadizo e escoitase con frecuencia nos estadios nos que se desenvolven competicións deportivas.

Déixovos a partitura do estribillo que tocaremos coa frauta, e o ostinato que tocaremos con instrumentos de percusión corporal.

E agora debedes cambiar a frase que forma o estribillo para facer a vosa propia versión.

Tocar, cantar e... falta bailar. Teredes que inventar unha coreografía para esta canción.

Moita sorte e a traballar!

EL REY LEÓN: A-WEEMA-WEH

"O rei león" é unha película producida por Disney.

Estreouse no ano 1994 e é a primeira película animada de Disney que conta unha historia orixinal.

A sabana africana e o escenario no que teñen lugar as aventuras de Simba, un pequeno león que é o herdeiro do trono.

Simba é inxustamente acusado polo malvado Scar da morte do seu pai polo que se ve obrigado a marcharse.

Durante o tempo que está fora da súa casa fai boas amizades e grazas ao seu apoio volverá para recuperar o que é seu, o trono.

Da historia do rei león tamén se fixo un musical que triunfa en todo o mundo.




Imos aprender unha canción que cantaba Simba cos seus amigos Timón e Pumba.

 

A-weema-weh…

En la jungla, la negra jungla

dormido está el león.

En la jungla, calmada jungla

dormido está el león.

En la aldea, tranquila aldea

dormido está el léon.

Calma niño, mi dulce niño

dormido está el león.

A-weema-weh…

YO CONTIGO, TÚ CONMIGO

O alumnado de 5º e 6º, utilizando técnicas de traballo cooperativo, fixo a coreografía da canción "Yo contigo, tú conmigo" que acompañará a todos os vídeos que subamos ao blog sobre traballo cooperativo.

Nos seguintes vídeos podemos ver como foi o proceso.