A TODO RITMO!

Da man destes dous simpáticos personaxes aprenderemos a acompañar a canción "A pita podeira".

Preparados???

IMAGINE: MUSICOGRAMA

Con este musicograma practicaremos un acompañamento para a canción, utilizando a percusión corporal.

Soará moi ben! Ánimo e a traballar!!!

QUE GUAI COS VASOS MUSICAIS!!!

Que guais son os vasos musicais, non si?

Pois imos acompañar a canción "QUE GUAI!" de Mamá Cabra con eses vasos musicais que nos trouxeron os Reis Magos.

Déixovos un vídeo co musicograma. Empecemos a practicar!!!

UN CONCERTO XENIAL!!!

"Cousas de catro" é o novo concerto para escolares que presenta o grupo Odaiko. Foi fantástico, coma sempre, e divertímonos moitísimo.

Déixovos unhas fotos para recordalo.

DE CONCERTO CON ODAIKO - Kizoa Movie Maker

DE NOVO CON ODAIKO!

O mércores os alumnos de 3º e 4º asistiredes a un concerto do grupo de percusión Odaiko. Será a primeira vez para vos pero as experiencias previas dos vosos compañeiros sempre foron moi satisfactorias.

O grupo é fantástico e aprenderedes e disfrutaredes moito. O espectáculo que veremos titúlase "Cousas de 4".

Aquí vos deixo diferentes vídeos do grupo para que vaiades entrando en materia.

Ahhh... e botádelle un vistazo ás normas básicas que debemos cumprir cando asistimos a un concerto !!!

FANTÁSTICO CONCERTO!!!

O concerto de Odaiko foi fantástico, sempre conseguen sorprendernos coas súas "invencións".

DE CONCERTO CON ODAIKO... OUTRA VEZ!!!

O vindeiro 18 de Marzo o 3º ciclo asistiredes a un concerto do grupo de percusión Odaiko. É unha actuación diferente á que vimos o ano pasado e que tanto nos gustou a todos.

O espectáculo que veremos titúlase "Invención" e está ubicado nun  contexto histórico que comeza no século XVIII  e chega ata a actualidade. Odaiko fai un repaso das grandes invencións do home, empezando polo famoso Bach, creador do que para os musicólogos era o Rock da época, pasando por outras invencións froito de procesos coma a industrialización, a introdución do plástico, e algunha máis cercanas á percusión, como son a aparición da batería, ou moitos outros instrumentos que comezaron froito da casualidade do día a día.

Aquí vos deixo novos vídeos do grupo para ir meténdonos en materia.

Se queredes repasar os vídeos que vimos o ano pasado buscadeos no blog.

Ahhh... e botádelle un vistazo ás normas básicas que debemos cumprir cando asistimos a un concerto !!!

DE CONCERTO CON ODAIKO

Esta semana disfrutamos dun concerto do grupo de percusionistas ODAIKO. Se o concerto do pasado curso, "Odaiko nas escolas",  foi fantástico o de este ano, "Vaia circo", aínda estivo mellor, polo menos iso dixeron os nenos e eu penso que non lles falta razón.

Aquí vos deixo unhas fotos da súa actuación.Clicade na imaxe!

WEBQUEST SOMOS COMPOSITORES

Con motivo de asistir ao concerto do grupo de percusionistas ODAIKO estivemos facendo algunhas actividades na clase de creación de ritmos utilizando instrumentos de percusión corporal.

Agora imos ir un pouco máis alá con esta webquest.

QUE AS MUSAS VOS ACOMPAÑEN!!!

DE CONCERTO CON ODAIkO!!!

Todos disfrutamos moito no concerto do grupo de percusión Odaiko, pero o que non perdeu nin un detalle foi o noso percusionista particular, Pedro, do que vos deixo aquí un par de vídeos gravados neste verán.

ODAIKO

O día 22 disfrutaremos da actuación dun grupo de percusión chamado ODAIKO. Fan unha posta en escea moi orixinal e innovadora e imos pasalo moi ben.

Como xa empezamos a preparar o concerto e tal e como vos dixen aquí tendes os vídeos que vimos na clase para que podades darlles un repaso.