A MAÑÁ

Imos cumprir un desexo de Grotus, que na súa carta dicíanos que lle gustaría escoitar con nós a música do conto "Peer Gynt", e comezaremos escoitando a música chamada "A MAÑÁ".

Faremos diferentes xogos e tocaremos instrumentos acompañando á orquestra que vemos no vídeo.

WELLERMAN

A principios do 2021 o cantante Nathan Evans fixo que unha balada tradicional de Nova Zelanda, chamada "The Wellerman", se fixese viral en redes sociais.

Faremos un xogo rítmico cos vasos para acompañar a versión orixinal.

 

 Despois de ver a versión orixinal traballaremos cunha versión en castelán.

¿DÓNDE ESTÁN LAS LLAVES?

Os pequenos do colexio aprenderán esta canción infantil tradicional e tamén a utilizaremos para facer un divertido xogo no que  haberá que buscar as chaves que estarán agachadas na aula de música.

XOGO: Colocarémonos en roda, collidos das mans, e cantaremos a canción mentres a roda xira no sentido contrario ás agullas do reloxo.

Cando rematen as estrofas a profe dirá o nome dun alumno que deberá sair da roda para buscar a chave pola aula. Se a atopa tena que poñer no medio da roda e a próxima vez que rematen as estrofas pode elixir a un compañeiro para que busque outra chave. Se non a atopa será a profe a que diga o nome doutro compañeiro para facer a busca a próxima vez.

O tempo para buscar a chave será o que dure a parte instrumental, que estará representada por este gracioso reloxo.

O ENTROIDO DOS ANIMAIS: ACUARIO

 

O alumnado de Educación Infantil vai seguir coñecendo a personaxes da obra "O entroido dos animais" de Camille Saint-Saëns.

Esta vez tócalle o turno a un grupo de simpáticos peixes que viven nun acuario.

Que calma transmiten estes peixes!

MUSICOGRAMA SAMAÍN

Esta semana celebraremos o Samaín, ademáis de cantando e bailando a canción de Mamá Cabra, tocando diferentes instrumentos rítmicos seguindo o musicograma.

Preparados... listos... xa!

SAMAÍN

Pronto será Samaín e ainda que este ano tampouco poderemos estar todos xuntos para celebralo, nas clases de música faremos cancións, danzas e xogos para converternos neses seres monstruos que  se pasean polas rúas nestas datas tan terroríficos.

OUTONO

Imos recibir á nova estación coa música de Antonio Vivaldi.

O compositor, naceu en Venecia no 1678 e morreu en Viena no 1741.

Vivaldi escribiu uns concertos para violín, que era o seu instrumento favorito, titulados "AS CATRO ESTACIÓNS", ou sexa que escribiu música para a primavera, verán, outono e inverno.

Nestes concertos o violín estaba acompañado pola orquestra, tendo esta un papel moi importante no desenvolvemento da obra.

Como estamos no outono imos estudiar a música que escribeu Vivaldi sobre esta estación e aprenderedes a diferenciar as partes da música que son FORTES das que son PIANO.

Escoitamos o 3º movemento de "Outono".

Agora 3 simpáticas follas levarannos polo TEMA  do 3º movemento do concerto do outono da obra de Vivaldi.

Sempre que aparezan será que está soando o TEMA.

Agora tocaremos instrumentos da familia da madeira seguindo este divertido musicograma.

SALVEMOS A SARGANTANA!

Esta semana os nenos de Educación Infantil teñen unha gran responsabilidade, xa que deben axudar a Sargantana.

Sargantana está en perigo!

Cando viña de Cucurulandia, no seu foguete, caeu dentro do volcán da illa de A Palma. Non queda moito tempo para poder salvala.

TEMOS UNHA MISIÓN!

O ENTROIDO DOS ANIMAIS: LEÓN

O autor Camille Saint-Saëns compuxo a obra "O entroido dos animais" coa que coñeceremos a diferentes animais a través da música.

O LEÓN aparece representado nesta obra e os alumnos de Educación infantil converteranse en verdadeiros reis da sabana.

SALVEMOS A PEPIÑO E A SARGANTANA!

O alumnado de Educación Infantil ten unha importante misión.

Pepiño e Sargantana foron secuestrados polo CORONAVIRUS, que quere contaxialos.

Coa axuda da VACINA contra o virus salvarémolos.

IMOS ALÓ!

NA GRUTA DO REI DA MONTAÑA

Tocaremos esta peza da obra "Peer Gynt" de Edvard Grieg, utilizando instrumentos de placas e outros de percusión non afinados.

Vexamos a interpretación da orquestra deste tema tan coñecido.

O seguinte vídeo móstranos os matices deste vídeo.

 

Esta peza tamén formou parte da banda sonora da película "Trolls", no tema "Hair up".

  

E agora con este vídeo, no que aparecen moitísimos trolls, estudiaremos o ritmo.




E por último imos coa melodía.

PEDRO E O LOBO

Durante este trimestre en Educación Infantil traballaremos co conto musical "Pedro e o lobo", do compositor Serguéi Prokófiev.

Nesta historia cada personaxe está representado por diferentes instrumentos da orquestra sinfónica.

Empezaremos vendo a versión que fixo Disney desta historia.

No seguinte anuncio a música de Pedro e o lobo tamén é protagonista.

 

Xa coñecemos a historia de Pedro e os seus amigos e agora toca coñecer os instrumentos que tamén protagonizan o conto.

Premede na imaxe e prestade moita atención.

ATA O VINDEIRO CURSO!

Despídome de vós, ata setembro, cunha canción moi optimista e con moita marcha!

 BOAS VACACIÓNS! 

DANCE MONKEY

"Dance monkey" é un tema da cantante australiana Tones and I, publicado no ano 2019 e  que chegou aos máis altos postos das listas de éxitos en diferentes paises do mundo.

Toni empezou cantando e bailando na rúa ata que o que se convertiría no seu manager a descubriu e invitouna a formar parte da súa axencia.

Imos traballar con esta canción bailando e tocando.

Déixovos 3 vídeos con coreografías para todo o mundo.

A BAILAR!

E agora imos acompañar a canción tocando diferentes ritmos, utilizando vasos ou calquera outro  instrumento ou obxecto co que podades facer sons.

A TOCAR!

TKN

Xa temos o novo disco de Rosalía con Travis Scott, estrela do hip hop.

Imos empezar o último mes do curso cunha inxección de enerxía!



Atrevédesvos coa coreografía?

SEGURO QUE SI!

SALVEMOS A PEPIÑO!

Esta actividade vai dirixida especialmente aos nenos e nenas de Educación Infantil, pero os irmáns maiores podedes axudalos a XOGAR.

Tedes unha importante misión:  SALVAR A PEPIÑO! 

O MORCEGO SEIS OLLOS secuestrou a Pepiño e o ten encerrado nunha casa no bosque encantado.

Só vós podedes salvalo!  

 PEPIÑO NECESÍTAVOS! 

MUIÑEIRA DE CHANTADA

A "Muiñeira de Chantada" é a peza máis famosa do repertorio dos gaiteiros galegos.

Esta obra foi composta, no ano 1865, polos irmáns Manuel e Antonio Fernández, membros da Banda del Ferraias.

A peza foi popularizada polos irmáns Cachafeiro, os Gaiteiros de Soutelo, que a gravaron no ano 1928.

Déixovos aquí a interpretación desta peza, que fixo Carlos Núñez acompañado do grupo "The Chieftains".

Vexamos a intepretación desta danza tradicional.

 E agora un cambio total de estilo! 

Fai dous anos, a escola de danza Media Punta de Vigo decidiu coreografiar a "Muiñeira de Chantada" a ritmo de hip hop.

Con esta danza obtiveron a medalla de oro no Campeonato de España e tamén presentáronse ao programa Got Talent, donde tiveron gran éxito.

 ANIMÁDEVOS A PROBAR! 

MUIÑEIRA CORRIDA

No mes das Letras Galegas traballaremos con música tradicional.

Empezaremos cunha canción moi xeitosa titulada "Muiñeira corrida".

Agora que xa coñecedes a canción imos acompañala con instrumentos tradicionais.

Xa sei que os instrumentos están no colexio, pero moitos de vós tedes na casa algún dos instrumentos que aparecen no vídeo e todos tedes botellas, culleres de pao ou de metal, vasos, tixolas, tapas... e calqueira cousa coa que podades facer sons. Utilizade a imaxinación!

Xa sabedes que a música tradicional sempre foi acompañada por calqueira utensilio da casa co que se puidera facer un ritmo.

Seguro que o facedes xenial!

HIMNO GALEGO

Onte celebrouse, dun xeito algo extraño, o Día das Letras Galegas. Lembrade que este ano está dedicado a Ricardo Carvalho Calero.

Para conmemorar este día tan importante para os galegos imos aprender o Himno de Galicia.

O HIMNO GALEGO conxuga o poema "Os pinos" de Eduardo Pondal cunha composición musical de Pascual Veiga.

O nome de Galicia non figura no poema, sendo substituido por "fogar de Breogán".

Sabedes quen foi Breogán? Premede na imaxe para ter máis información.

E agora vaiamos coa música!

Esta composición foi interpretada por primeira vez no 1907 na Habana (Cuba).

Vexamos unha interpretación da Real Filharmonía de Galicia.




Empecemos coa partitura.

Despois de ver a partitura contesta ás seguintes preguntas.

E agora A TOCAR!





Por último toca CANTAR!

¿Que din os rumorososna costa verdecente,ao raio transparentedo prácido luar?¿Que din as altas copasde escuro arume arpadoco seu ben compasadomonótono fungar?

Do teu verdor cinguidoe de benignos astros,confín dos verdes castrose valeroso chan,non des a esquecementoda inxuria o rudo encono;desperta do teu sonofogar de Breogán.

Os bos e xenerososa nosa voz entendene con arroubo atendeno noso ronco son,máis sóo os iñorantese féridos e duros,imbéciles e escurosnon os entenden, non.

Os tempos son chegadosdos bardos das edadesque as vosas vaguedadescumprido fin terán;pois, onde quer, xigantea nosa voz pregoaa redenzón da boanazón de Breogán.

FRAUTISTAS PRINCIPIANTES!

Este post vai dirixido especificamente ao alumnado de 3º curso, xa que o confinamento pillóunos de cheo empezando a traballar coa frauta.

Déixovos aquí unha explicación moi detallada de como tocar a canción coa que iamos empezar, "Rondín Picotín", con partituras interactivas e un titorial. Veredes como vos axuda moito!

Animádevos! Collede a vosa frauta e A TOCAR!