CÉ ORQUESTRA PANTASMA

 

O mércores 18 de xuño recibiremos no colexio a visita de Cé Orquestra Pantasma e gozaremos cun fantástico concerto.

CHEA DE VIDA

Para conmemorar o "Día da muller" cantaremos a canción de Guadi Galego "Chea de vida", acompañándonos de linguaxe de signos.

CONCERTO DE PACO NOGUEIRAS

Despois de gozar co concerto de "Cinco en zocas", seguiremos escoitando no colexio música en galego.

O mércores 19 de xuño recibiremos a Paco Nogueiras que nos presentará diferentes temas do seu espectáculo "C@nto contigo".

Veremos na clase algunas destas cancións

OS OVOS DE DRAGÓN ESTÁN EN PERIGO!

O mago Malvado quere roubar 5 ovos de dragón para evitar que nazan os pequenos dragonciños.

Os nenos de Educación Infantil teñen unha importante misión: SALVAR OS OVOS!

IMOS ALÓ!

SALVEMOS A PEPIÑO!

O morcego Seis Ollos ten a Pepiño encerrado no castelo do fantasma Chistoso.

Debemos axudar a Chistoso a liberalo!

BUSCANDO A DRAGONCÍN

Dragoncín está perdido polo colexio. Os nenos de infantil teñen que axudar a Pepiño e a Sargantana a atopalo.

Conseguirano?

CONCERTO DE MIGALLAS

O día 16 de xuño o grupo Migallas dará un concerto para o noso alumnado.

O espectáculo chámase "CANTAXOGA" e nel interpretarán cancións dos seus discos "Canta connosco" e "Pan de millo".

Déixovos aquí os temas cos que traballaremos na aula de música, para que podamos gozar deste fantástico concerto.

O MISTERIO DO CADRO DESAPARECIDO

A semana pasada celebramos o Día de Rosalía e escoitamos ao alumnado de 6º que recitou o poema "MIÑA CASIÑA, MEU LAR".

Esta semana os nenos e nenas de 4 anos vivirán unha aventura para atopar o retrato de Rosalía de Castro que desapareceu da súa habitación na Casa Museo, en Padrón.

Conseguirán atopalo?

Seguro que si!

EU NON SEI

Practicaremos as notas FA e MI coa frauta, tocando a canción tradicional galega "Eu non sei".

Eu non sei que pasou no muiño,

eu non sei que debeu de pasar.

Desde entón Maruxiña esta triste, 

desde entón non fai máis que chorar.

AU CLAIR DE LA LUNE

Na viaxe que estamos facendo polo mundo durante este curso, os nenos e nenas de 1º viaxaron a París.

Na clase de música imos tocar "AU CLAIR DE LA LUNE", unha canción de cuna tradicional de Francia.

 

Tocarémola coas campás afinadas e utilizaremos 3 NOTAS: SI, LA e SOL.

CLAP, CLAP SOUND

Acompañaremos esta bonita melodía utilizando campás, e boomwhackers.

MARCHA DE LOS ELFOS

ATENCIÓN FRAUTISTAS PRINCIPIANTES!

Con esta divertida melodía practicaremos as notas SI e LA coa frauta.

AXUDEMOS A PAPÁ NOEL!

O Grinch roubou o trineo de Papá Noel, que estaba cheo de agasallos para repartir aos nenos e nenas de todo o mundo.

Papá Noel pediulle a Pepiño e a Sargantana que lle axuden a buscalo, pero para conseguir atopalo necesitarán a colaboración dos nenos e nenas de Infantil.

Chicos, temos unha misión!

SALVEMOS A PEPIÑO!

Os nenos de Infantil teñen unha nova misión.

Sargantana quixo gastarlle unha broma a Pepiño porque pronto será Samaín. 

Preparou a súa olla máxica e fixo un conxuro para converter a Pepiño en sapo. 

Isto ao noso amigo non lle gustou nada e necesita que lle axudemos a desfacer o conxuro.

PEPIÑO E SARGANTANA NA ERA DOS DINOSAUROS

Unha nova aventura de Pepiño e Sargantana!

Os nenos de Infantil deberán axudar aos seus amigos, que están na ERA DOS DINOSAUROS.

ARAM SAM SAM

Imos xogar cunha cantiga tradicional de Marrocos.

Empezamos cunha velocidade lenta que cada vez vai máis rápida.

OS MONSTROS DE 1º ESTÁN EN PERIGO!

O pirata Pata de Pao ten secuestrados no seu faro aos monstros de 1º.

Debemos liberalos canto antes!

SALVEMOS A PEPIÑO E A SARGANTANA!

Unha nova aventura lles espera aos nenos de Infantil!

Pepiño e Sargantana están secuestrados polo pirata Pata de Pao, no faro onde vive.

SALVARÉMOLOS!

QUEN POIDERA NAMORALA!

Un coñecido poema de Álvaro Cunqueiro convertiuse nunha canción cando Luis Emilio Batallán lle puxo música.

No niño novo do vento

hai unha pomba dourada. (bis)

Quen poidera namorala!

Quen poidera namorala!

Meu amigo! (bis)

Canta ao luar e ao mencer

en frauta de verde olivo. (bis) 

Quen poidera namorala!

Quen poidera namorala!

Meu amigo! (bis)

Ten aires de frol recente,

cousas de recén casada. (bis)

Quen poidera namorala!

Quen poidera namorala!

Meu amigo! (bis)

Tamén ten sombra de sombra

e andar primeiro de río.

Quen poidera namorala!

Quen poidera namorala!

Meu amigo! (bis)

Traballaremos coa versión que fai Milladoiro, na voz de Rosa Cedrón.