TODO O DÍA NA CASIÑA

Magín Blanco preséntanos unha canción que relata como, os nenos, estades pasando estes días de confinamento.

Magín é un vello coñecido noso xa que fumos a moitos dos seus concertos e aprendemos moitas das súas cancións. Bravo Magín!

ANIMÁDEVOS A CANTALA!

A NENA E O GRILO MÁIS ALÓ

O martes 3 de decembro os nenos de 1º e 2º asistiredes a un concerto de Magín Blanco, que presenta o seu último disco, “A nena e grilo máis aló”.

A nena e o grilo esmagan sen querer á súa amiga Xertrude, a araña. Buscando un xeito de devolverlle a vida, atópanse cuns artistas ambulantes que os guiarán a través da maxia e da música ao país dos mortos onde a tentarán atopar para traela de volta.

CONSEGUIRANO???



Aquí vos deixo un pequeno adianto do que veremos no teatro.

TODOS SOMOS CAPITÁNS

Este curso celebraremos o Día Escolar da Paz e da non Violencia, o 30 de xaneiro, cantando un bonito tema de Magín Blanco pertencente ao disco "A nena e o grilo nun barquiño".

Déixovos dous vídeos para que vaiades aprendendo a canción "Todos somos capitáns".

IMOS DE CONCERTO!

O 7 de febreiro os nenos de Educación Infantil asistiredes ao concerto "A nena e o grilo nun barquiño".

No concerto veremos como a nena e o grilo van descubrindo o mundo xuntos e a través das cancións.

DEBUXANDO O CONCERTO!!!

Así viron o concerto "A nena e o grilo nun barquiño", os nenos de 1º e 2º de Educación Primaria.

Os debuxos son tan fantásticos como foi o espectáculo!!!

OS DEBUXOS DE 1º

OS DEBUXOS DE 2º

ASÍ FOI O CONCERTO!!!

O martes asistimos a o concertó "A NENA E O GRILO NUN BARQUIÑO" en Pontevedra, que foi FANTÁÁÁÁÁSTICO.

Disfrutamos todos moitísimo coas cancións de Magín e coas aventuras da nena e do grilo.

Xa tiñamos noticias de que Grotus quería asistir ao concerto. Hai nenos que din que o viron, eu non o vin pero cando descarguei  as fotos da cámara levei una gran sorpresa.

Clica aquí e a ver o que pasa...

A NENA E O GRILO NUN BARQUIÑO

O día 26 de Novembro os nenos de 1º ciclo asistiredes a un concerto en Pontevedra titulado "A NENA E O GRILO NUN BARQUIÑO".

Nese concerto Magín Blanco conta as aventuras dunha nena e dun grilo que van descubrindo o mundo a través dos contos e das cancións. 

Vai ser un concerto fantástico e aquí vos deixo algúns vídeos que traballaremos na clase a vindeira semana.

Ah, por certo, teño entendido que GROTUS ten moitas gañas de ver esta actuación ou sexa que os ollos ben abertos ese día.

Lembrade que cando asistimos a un concerto temos que cumplir unhas normas especiais para este tipo de representacións.

Clicade no esceario para repasalas!!!