JINGLE BELLS

Por mor da chegada do Nadal os alumnos de 1º xogarán e bailarán cuns graciosos bonecos de neve. A canción escollida é a popular "Jingle Bells".

A LUZ DO NADAL

Imos comezar o mes de decembro coa panxoliña titulada "A luz do Nadal", pertencente ao libro-disco de Mamá Cabra "Xa me tardan estes Magos".

GATATUMBA

Achégase o Nadal e este ano cantaremos e tocaremos unha canción popular no noso pais.

Déixovos a letra e a partitura.

Gatatumba tumba tumba
con panderos y sonajas.
Gatatumba tumba tumba
no te metas en las pajas.

Gatatumba tumba tumba
toca el pito y el rabel.
Gatatumba tumba tumba
tamboril y cascabel.

A NENA E O GRILO MÁIS ALÓ

O martes 3 de decembro os nenos de 1º e 2º asistiredes a un concerto de Magín Blanco, que presenta o seu último disco, “A nena e grilo máis aló”.

A nena e o grilo esmagan sen querer á súa amiga Xertrude, a araña. Buscando un xeito de devolverlle a vida, atópanse cuns artistas ambulantes que os guiarán a través da maxia e da música ao país dos mortos onde a tentarán atopar para traela de volta.

CONSEGUIRANO???



Aquí vos deixo un pequeno adianto do que veremos no teatro.

DANZA MEDIEVAL

Hoxe trasladarémonos á época medieval e tocaremos unha danza que nos levará a unha gran festa nun fermoso castelo.

A melodía ten dúas partes:

  

A estrutura para tocar será:

     

CÁRMINA BURANA

No ano 1803, no monasterio benedictino de Beuern (Alemania), atopouse unha colección de 300 poemas recollidos nun manuscrito da ÉPOCA MEDIEVAL, concretamente da primeira metade do século XIII. 

A maior parte estaban escritos en latín e o resto en alemán.Os autores destes poemas eran monxes escapados dos seus conventos, xograres, estudiantes vagabundos, e neles criticaban os costumes da época e rexeitaban as ensinanzas da igrexa.

Estes poemas medievais formaban a obra titulada "Cármina Burana" que ainda que nos poda parecer que fai alusión a un nome propio dunha muller, non é así, senón que significa "Cancións de Beuern" en latín.

Anos máis tarde o compositor alemán Carl Orff recopilou 25 destes poemas medievais e compuxo a obra "Cármina Burana" que se estrou no ano 1937. É unha das máis coñecidas do século XX e está escrita en latín e alemán.

Na clase imos traballar coa Introdución, titulada "Oh Fortuna", que tamén é a Conclusión da obra.

Aquí vos deixo dúas versións moi interesantes.

Aquí tedes a partitura coa melodía.

SKA DE LA TIERRA

Seguimos traballando dentro do proxecto "Mares de plástico" e agora tócalle o turno a unha fantástica canción de Bebe.

A cantante Bebe quixo facer un chamamento aos políticos e a toda a poboación, sobre os problemas medioambientais provocados polo ser humano, que están levando á destrucción do planeta e fixoo como ela sabe, CANTANDO.

SAMAÍN

Moi pronto celebraremos o Samaín!

O colexio encherase de bruxas, esqueletos, magos, trasnos e moitos seres terroríficos, que como todos os anos cantarán unha canción no ximnasio para rematar o festexo.

Estes extraños personaxes pasaranse pola clase de música para aprender a canción de Jesús Pareja "Samaín".

🎃🎃🎃

Aquí vos deixo un simpático vídeo e tamén a letra.

Os alumnos de 6º B improvisaron unha coreografía e aquí vola deixo para que a aprendades.

FACEMOS MELODÍAS!

Os nenos de 2º estiveron xogando coas notas SOL e SI no pentagrama do chan e compuxeron unhas pequenas melodías.

Facédelo moi ben chicos!

LA COSTA DEL SILENCIO

Co proxecto de centro deste curso, "Mares de plástico", trataremos de concienciarnos sobre o grave problema que supón para a vida no planeta o cambio climático, provocado en gran medida polas agresións que o ser humano provoca no seu entorno.

Para introducirnos no tema lembraremos o gran desastre mediambiental que se produciu nas nosas costas no ano 2002 co afundimento do petroleiro Prestige.

A banda española de folk metal, MÄGO DE OZ, compuxo no ano 2003 unha canción chamada "La costa del silencio" na que se fala das causas e consecuencias do afundimento deste barco.

Déixovos o vídeo de Mägo de Oz e a letra da canción.

PEQUEÑO PLANETA

O proxecto deste curso "MARES DE PLÁSTICO" faranos reflexionar sobre a intervención do ser humano sobre o planeta.

Esta canción do grupo Cantajuego achegará aos máis pequenos a este grave problema.

BENVIDOS!

Os alumnos de 5º A queren darvos a benvida ao curso 2019-20 cunha cantiga tradicional 😃😃😃

VACACIÓNS!

Desexo que pasedes un bo verán. O traballo que fixéchedes durante este curso foi fantástico!

PILAS CARGADAS PARA SETEMBRO!!!

PEQUENOS ARTISTAS

Como remate do curso dous dos nosos "pequenos artistas" tocaron, entre outras pezas, a canción máis coñecida da película Titanic, que tamén traballamos na aula este curso, formando parte do repertorio de bandas sonoras coas que gozamos na clase de música.

Vexamos a súa interpretación.

FLASHMOB "WE WILL ROCK YOU"

Como remate do proxecto deste curso, "Un cole de película", os alumnos de 5º e 6º  puxeron en escena un flashmob coa canción "We will rock you", da película "Bohemian Rhapsody", que previamente habían coreografiado.

O seu obxectivo era sorprender aos compañeiros e conseguírono.

Non volo perdades!

BO TRABALLO CHICOS!!!

QUEN ME DERA EN INSUELA

Seguimos traballando coa obra de Antón Fraguas e co disco de Xoán Curiel, cunha canción con moito ritmo, "Quen me dera en Insuela", lugar onde atopamos a casa natal do escritor.

Quen me dera en Insuela un pedaciño de terra, para ir botar a iauga e pasearme por ela. Quen me dera verte sempre algún día cada mes, unha vez cada semana e un día de cada vez. Lerelele.. Quen me dera ter a min a gargantiña dun galo, cantar como un reiseñor, falar como un papagaio. Quen me dera estar tan alto/a como a estrela do norte para ver o que se pasa en Pontevedra esta noite. Lerelele… Toca, pandeiriño, toca, se non heite de rechar, que me custaches os cartos, axúdamos a gañar. O pandeiro toca ben, as ferriñas danlle o son, as meniñas que o tocan elas de Insuela son. Quen me dera ser a rula, a ruliña do sertón, para facer o meu niño dentro do teu corazón. Quen me dera ser a rula, a ruliña do sertón, o meu niño xa está feito dentro do teu corazón. Lerelele… Preme no reproductor para escoitar a canción.

VAI SAIR O TREN

Estamos a piques de celebrar unha data de gran importancia na nosa terra, o Día das Letras Galegas.

Este ano está dedicado a Antón Fraguas, e o músico Xoán Curiel quixo facerlle unha homenaxe publicando o libro-disco "Canta, miña pedra, canta", que está baseado na vida e obra do escritor.

Durante este mes traballaremos con algunhas das súas cancións e empezamos cunha ben marchosa, "Vai saír o tren".

WE WILL ROCK YOU

Durante o segundo trimestre, e continuando co proxecto do centro "Un cole de película", o alumnado de 5º e 6º traballou coa película "Bohemian Rhapsody".

Unha das actividades que fixeron foi coreografiar a canción “We will rock you”, que forma parte da banda sonora da película, e poñerlle letra ao estribillo.

Vexamos o seu traballo! Noraboa chicos!

Pero esta película non acaba aquí. 

No terceiro trimestre que todo o mundo teña os ollos ben abertos porque veremos o final.

RADIO GA GA

"Radio Ga Ga" é unha canción escrita por Roger Taylor, baterista de Queen.

A canción trata o tema da creación da televisión e como esta foi desprazando á radio.

Foi catalogada como unha das cancións mais exitosas do grupo grazas ao seu videoclip e ás actuacións en directo. Era unha das preferidas do público, que cantaba e palmeaba ao mesmo tempo que a banda a interpretaba.

EU COCIÑO, TI COCIÑAS ?

O día 25 de febreiro o alumnado de 1º e 2º asistiredes a un concerto do grupo "Mamá Cabra" en Pontevedra.

Como é un grupo que nos gusta moito sabemos que ímolo pasar moi ben.

O espectáculo leva por título "Eu cociño, ti cociñas?" e todas as cancións que forman parte do libro -disco falan, como non podería ser de outra forma, de comida.

Fíxadevos nestas fotos do concerto!

E como non está moi lonxe o entroido empezamos cunha canción titulada "Filloas". 

Que ricas!!!

WE WILL ROCK YOU

"We will rock you" é unha das cancións máis coñecidas do grupo Queen. Foi composta por Brian May, o guitarrista da banda e gravada no ano 1977.

Esta canción é mundialmente coñecida polo seu ritmo pegadizo e escoitase con frecuencia nos estadios nos que se desenvolven competicións deportivas.

Déixovos a partitura do estribillo que tocaremos coa frauta, e o ostinato que tocaremos con instrumentos de percusión corporal.

E agora debedes cambiar a frase que forma o estribillo para facer a vosa propia versión.

Tocar, cantar e... falta bailar. Teredes que inventar unha coreografía para esta canción.

Moita sorte e a traballar!

BOHEMIAN RHAPSODY

BOHEMIAN RHAPSODY é unha película biográfica que conta a historia do cantante británico Freddie Mercury e do grupo de rock QUEEN.

A película conseguiu o premio "Globo de Oro" 2019 á Mellor película dramática.

Quen foi Freddie Mercury?... e QUEEN?

QUEEN é unha banda británica de rock formada no 1970 en Londres polo cantante Freddie  Mercury, o guitarrista Brian May, o baterista Roger Taylor e o baixista John Deacon.

Un dos seus membros, Freddie Mercury, morreu no 1991 e John Deacon retirouse, pero a banda segue tocando baixo o nome de Queen.

"Bohemian Rhapsody" é unha canción escrita por Freddie Mercury no 1975 para o seu album "A night at the opera".
Cando se puxo á venta convertiuse nun gran éxito comercial, sendo un dos discos màis vendidos en Reino Unido.

Este tema é o que da nome a esta película sobre a banda.

Vexamos o trailer.

Dos moitos temas que aparecen na película traballaremos con dous dos máis famosos: "Radio ga ga" e "We will rock you".














Na seguinte escena de Bohemian Rhapsody veremos como se lle ocurriu ao grupo a canción de "We will rock you".