TANXUGUEIRAS NO BENIDORM FEST

O grupo Tanxugueiras participou a pasada noite na 1ª semifinal do Benidorm Fest, e cunha actuación espectacular conseguiu clasificarse para a final, que se celebrará o sábado.

MOITA SORTE PARA A FINAL!

TERRA

 

TANXUGUEIRAS é un trío de pandereteiras galegas formado por Aida Tarrío e Olaia e Sabela Maneiro.

Empezaron a cantar xuntas no ano 2016 e fixéronse famosas coa súa música a través das redes sociais.

Gravaron o seu primeiro disco no ano 2018.

O seu estilo é unha fusión de música tradicional galega con sons urbáns, mesturando así as pandeiretas con xeneros coma o trap ou a música electrónica.

Pese a levar poucos anos cantando xa deron concertos en diferentes paises e acumulan moitos premios.

O pasado ano fixéronse moi coñecidas porque son candidatas a representar a España no festival de Eurovisión 2022 cunha muiñeira chamada "TERRA".

A finais deste mes de xaneiro saberemos se son elixidas coma as nosas representantes.

De conseguilo, sería a primeira vez que unha canción que non está en castelán nos representara no Festival de Eurovisión.

Vexamos o vídeo oficial da canción "Terra".

Cantaremos a canción e acompañarémola con instrumentos tradicionais seguindo o musicograma.

ONDE ESTÁ PEPIÑO?

Sargantana está buscando a Pepiño e non o atopa por ningún lado. Onde estará?

Queredes axudar a Sargantana a buscalo?

Pois imos alá!

CANTANDO E DANZANDO POLO NADAL

Achégase o Nadal e estes días traballaremos con cantigas tradicionais destas datas.

O ENTROIDO DOS ANIMAIS: ACUARIO

 

O alumnado de Educación Infantil vai seguir coñecendo a personaxes da obra "O entroido dos animais" de Camille Saint-Saëns.

Esta vez tócalle o turno a un grupo de simpáticos peixes que viven nun acuario.

Que calma transmiten estes peixes!

TRES CASTAÑAS POLO CHAN

A vindeira semana celebraremos a festa tradicional do MAGOSTO.

Aquí temos unha canción para que a aprendan os peques do colexio.

Seguro que lles gusta moito!

NOVENA SINFONÍA DE BEETHOVEN

Ludwig van Beethoven foi uns dos grandes compositores da Historia da música.

Naceu na cidade alemana de Bonn o 16 de decembro de 1770 e morreu en Viena (Austria) o 26 de marzo de 1827.

O seu pai era músico e traballaba na Corte.

O pequeno tivo unha infancia dura e triste. 

Aínda que a súa nai o quería moito o seu pai non o trataba moi ben. Quería que fora como Mozart e isto facía que lle obrigase a practicar co piano durante horas e horas.

Pese a isto, a Beethoven gustáballe moito a música polo que con 10 anos decidiu dedicarse enteramente ao seu estudo.

Moi probablemente o dato que máis chamou a atención de Beethoven foi a súa sordeira.

Pénsase que os primeiros síntomas apareceron cando tiña 26 anos. Empezou a ter zumbidos nos oidos, como se tivera dentro un mosquito. A dor facíase máis insoportable cando oía sons fortes e foi empeorando ata quedarse totalmente xordo.

Pese a isto Beethoven tiña as melodías na súa cabeza e podía sentir a música a través das vibracións.

Déixovos aquí un enlace a unha páxina moi interesante sobre a vida e a obra deste xenial compositor.

Fixéronse tamén varias películas sobre a súa vida.

Aquí temos o tráiler de "Copying Beethoven", que conta a historia dunha estudiante do conservatorio que vai traballar como copista á súa casa, xa que naquela época as partituras ou se imprimian nas imprentas ou se copiaban a man, para logo poder vendelas.

A sinfonía nº 9 en re menor, op. 125, coñecida como "Coral" é a última sinfonía do xenial compositor. 

Foi estreada o 7 de maio de 1824 en Viena. Beethoven compartiu o escenario con outro director xa que él estaba practicamente xordo.

Está dividida en catro movementos e imos centrarnos no 4º, que resultou moi orixinal pola introducción de catro solistas e un coro que cantan acompañados pola orquestra. 

O tema principal deste movemento é o coñecidísimo "Himno a la alegría" co que imos traballar.

O "Himno a la alegría" foi elixido como himno da Unión Europea no 1985.

Vexamos unha interpretación do 4º movemento da 9ª sinfonía por "O coro máis grande do mundo".



 Aquí vos deixo unha graciosa interpretación de "Mr Bean" en Alemania.

E agora imos coa partitura.

FRAY SANTIAGO

Imos traballar cunha das cancións infantís máis coñecidas do mundo. 

A súa orixe é francesa, e o nome orixinal é "Frére Jacques".

Aquí coñecémola como "Fray Santiago" ou tamén como "Campaneiro".

Esta melodía pode tocarse como un CANON.

O CANON é unha composición musical formada por dúas ou máis voces que van entrando unha despois de outra, interpretando todas a mesma melodía.

Vexamos estes vídeos para familiarizarnos coa melodía.

Aquí temos a partitura.

No seguinte vídeo veremos un musicograma co que acompañaremos, con instrumentos rítmicos, a melodía.

Con estes vídeos tocaremos cos tubos afinados e coas campás.

 Para rematar, tocaremos a canción con metalófonos e campás.

IMOS ALÓ!

MUSICOGRAMA SAMAÍN

Esta semana celebraremos o Samaín, ademáis de cantando e bailando a canción de Mamá Cabra, tocando diferentes instrumentos rítmicos seguindo o musicograma.

Preparados... listos... xa!

SAMAÍN

Pronto será Samaín e ainda que este ano tampouco poderemos estar todos xuntos para celebralo, nas clases de música faremos cancións, danzas e xogos para converternos neses seres monstruos que  se pasean polas rúas nestas datas tan terroríficos.