NOVO CURSO - NOVO PROXECTO

Comeza un novo curso e este ano investigaremos e aprenderemos moitas cousas sobre un grupo mítico na historia da música.

Aquí vos deixo unha pista para ver se adiviñades de que grupo se trata. Se non sodes capaces podedes preguntarlle aos vosos pais, seguro que eles adiviñan a primeira.

FÁCIL OU DIFICIL???



FELICES VACACIÓNS!!!

CANCIÓN DA VACUNA

Os nenos de 5 anos interpretan cos seus debuxos a "Canción da vacuna".



OS ALUMNOS DE 4º TOCAN A MELODÍA "OS ESQUELETOS"

Os nenos de 4º tocaron a canción "Os esqueletos" utilizando instrumentos de placas.

Non tiveron moito tempo para ensaiar polo que teñen algún pequeno despiste, pero o tempo apremia xa que o remate do curso está á volta da esquina, e non había tempo para ensaios.

Aquí tedes unha gravación da súa interpretación.

ALEX E O SEU ACORDEÓN

Esta semana Alex trouxo o acordeón a clase. Explicou aos seus compañeiros como se tocaba e despois tocou dúas melodías compostas por él mesmo.

Cando estaba tocando chegaron os nenos de 2º que estiveron moi interesados na súa interpretación.

Non vos asustedes polas caras dos nenos, é que antes pintáronse para tocar a canción "Os esqueletos".

Clicade no acordeón para ver a presentación do instrumento.

Escoitade unha peza tocada por Alex.



Agora podedes ver unha interpretación a catro mans: Antón manexa o teclado e Alex encárgase do fuelle. Clicade no debuxo.

DÍA MUNDIAL DO MEDIO AMBIENTE

Hoxe, día 5 de Xuño, é o DÍA MUNDIAL DO MEDIO AMBIENTE.

MUSIKEANDO quere sumarse a esta celebración e aquí vos deixo un vídeo fantástico que nos presenta da man á natureza e á música.

OS ESQUELETOS

Ainda que non estemos en Halloween, os alumnos de 4º moven o "esqueleto" e adiviñades o nome da canción que están tocando?  Acertáchedes, chámase "Os esqueletos".

A actividade mete medo e pronto veremos a súa actuación, si é que vos atrevedes.

A os "esqueletos" de 4º deixovos a partitura para que vaiades practicando.

Para ver como bailan os esqueletos clicade na imaxe.

UN POEMA DE MANUEL MARÍA: "O CHIFRE"

Os alumnos de 4º de Educación Primaria están preparando unha canción para cantar no festival do Día das Letras Galegas.

Trátase dun poema de Manuel María: "O chifre". A interpretación é de Suso Vaamonde. 

Eu teño un chifre chifreiro.

Eu teño un chifre chifrón

tan silbador e algareiro

que a todos chama a atención.

Eu teño un chifre chifreiro

que mo mercaron na feira.

O seu silbo silbador

resoa na aldea enteira…!

Eu dou ordes co meu chifre,

ando a ordear con silbatos:

Que frolezan as roseiras,

que chien ben os paxaros…!

Que maduren as cerdeiras,

as figueiras i os mazairos!

e que veñan ben cargados

de xoguetes os Reis Magos!

Teño un chifre de verdade!

Teño un chifre verdadeiro!

Non quero chifres de pallas

nin de cascas de salgueiro…!

clica no reproductor para escoitar a canción



WEBQUEST: OASIS e a súa canción "WHATEVER"

Durante este trimestre os alumnos do 3º ciclo debedes facer esta WEBQUEST.

Con este traballo aprenderedes música, a utilizar diferentes recursos das tecnoloxías de información e comunicación e a traballar en equipo.

É moi importante que valoredes as aportacións de todos os membros do grupo. Non esquezades que a cada persoa se lle dan ben unhas cousas.

TODOS PODEDES APRENDER DE, E CON OS COMPAÑEIROS !!!!!

MOITO ÁNIMO E A TRABALLAR !!!!!!!!!!!!!!!!!

FELIZ DÍA DO LIBRO!!!