RODARIRRODARI

O día 4 de marzo os alumnos de 1º e 2º asistiredes a un espectáculo musical moi divertido titulado "Rodarirrodari".

Contarannos a historia do tranvía Leonardo que facía o traxecto Pontevedra-Marín. Agora o tranvía está nun museo en Lisboa e alí namórase dun bonito tranvía eléctrico que pasa por diante do edificio...

Aquí tedes algunhas fotos de tranvías, dende os máis antigos ata os modernos.

Escoitaremos diferentes cancións, algunhas delas moi coñecidas, o que pasa é que cambiará a letra para adaptarse á historia que nos queren contar. 

Déixovos unha pequena mostra dalgunhas delas.

E para rematar imos repasar as normas que debemos cumprir para asistir a un concerto!

UN CONCERTO XENIAL!!!

"Cousas de catro" é o novo concerto para escolares que presenta o grupo Odaiko. Foi fantástico, coma sempre, e divertímonos moitísimo.

Déixovos unhas fotos para recordalo.

DE CONCERTO CON ODAIKO - Kizoa Movie Maker

DE NOVO CON ODAIKO!

O mércores os alumnos de 3º e 4º asistiredes a un concerto do grupo de percusión Odaiko. Será a primeira vez para vos pero as experiencias previas dos vosos compañeiros sempre foron moi satisfactorias.

O grupo é fantástico e aprenderedes e disfrutaredes moito. O espectáculo que veremos titúlase "Cousas de 4".

Aquí vos deixo diferentes vídeos do grupo para que vaiades entrando en materia.

Ahhh... e botádelle un vistazo ás normas básicas que debemos cumprir cando asistimos a un concerto !!!

NOVENA SINFONÍA DE BEETHOVEN

A sinfonía nº 9 en re menor, op. 125, coñecida como "Coral" é a última sinfonía do xenial compositor. Foi estreada o 7 de maio de 1824 en Viena. Beethoven compartiu o escenario con outro director xa que él estaba practicamente xordo.

Está dividida en catro movementos e imos centrarnos no 4º, que resultou moi orixinal pola introducción de catro solistas e un coro que cantan acompañados pola orquestra. O tema principal deste movemento é o coñecidísimo "Himno a la alegría" co que imos traballar durante este mes.

O magnífico director Riccardo Muti dirixe á Orquestra Sinfónica de Chicago nunha boísima interpretación da 9ª sinfonía na que podemos ver con moito detalle os diferentes instrumentos.

Xa que é moi longa déixovos aquí onde comezan aqueles fragmentos que escoitaremos na clase, pero quen queira animarse a escoitar máis... adiante!!!..., seguro que vai  disfrutar!!!

No minuto 52, 16 segundos comeza o IV movemento.

No minuto 55, 27 segundos comeza, pianissimo, a melodía que xa coñecemos.

No minuto 59, 22 segundos comeza o baixo a cantar e a continuación séguelle o coro.





Agora veremos un Flash Mob en Sabadell onde os músicos sorprenden ás persoas que pasean pola rúa coa súa interpretación.

Outra interpretación máis do 4º movemento da 9ª sinfonía, "O coro máis grande do mundo".



O "Himno a la alegría" foi elixido como himno cando se creou a Unión Europea. Aquí vos deixo unha graciosa interpretación de "Mr Bean" en Alemania.





Fixéronse varias películas sobre a vida de Beethoven. Aquí vos deixo o tráiler de "Copying Beethoven" que conta a historia dunha estudiante do conservatorio que vai traballar como copista de Beethoven. Lembrade que falamos que naquela época as partituras ou se imprimian nas imprentas ou se copiaban a mano, para logo poder vendelas.

LUDWIG VAN BEETHOVEN: BIOGRAFÍA

Déixovos un enlace a unha páxina moi interesante e completísima sobre a vida de Beethoven. Ademais de ter moitísima información tamén ten actividades interactivas e curiosidades.

Mergullémonos nela e aprenderemos moito sobre o xenial compositor.

O 16 de decembro do ano pasado celebrouse o 245 aniversario do nacemento de Beethoven e Google quixo homenaxealo cun doodle interactivo no que había que ordear diferentes fragmentos de obras moi importantes do compositor, entre elas o 4º movemento da 9ª sinfonía. O doodle xa non está activo pero podemos ver o seguinte vídeo para recordalo.

INTERPRETAMOS A BEETHOVEN!

Déixovos a partitura para tocar o "Himno a la alegría". Sexamos como Beethoven!!!

Se clicades no debuxo tedes un xogo para axudarvos a aprender a melodía. 

"HIMNO A LA ALEGRÍA": UNHA CANCIÓN PARA A PAZ

O día 30 de xaneiro celébrase o "Día Escolar da Paz e da non Violencia" e como todos os anos cantaremos todos xuntos unha canción conmemorativa.

Este ano aprenderemos o "Himno a la alegría", famosísima canción interpretada por Miguel Ríos.

clicade na foto se queredes acceder á súa web

Miguel Ríos naceu no ano 1944 en Granada e podemos consideralo como un dos pais do rock español.

No 1969 nace o "Himno a la alegría" tras a adaptación musical do 4º movemento da 9ª sinfonía de Beethoven. O tema fíxose tan famoso que traspasou as nosas fronteiras e foi un gran acontecimento musical en moitos paises do planeta. Vendéronse 7 millóns de discos en todo o mundo e chegou a ser número 1 das listas de éxitos en paises como Estados Unidos, Francia, Italia, Reino Unido ou Alemania.

Miguel Rios interpreta o "Himno a la alegría" nun concerto en Sevilla no ano 2012.

 

Neste vídeo tres importantes cantantes do panorama nacional, Ana Belén, Victor Manuel e Joan Manuel Serrat acompañan a Miguel Rios na súa interpretación do "Himno de la alegría".

 

E agora a nosa interpretación, clicade no debuxo para aprender a letra.

Clicando no título tedes a canción con pictogramas.

UN CONCERTO FANTÁSTICO!!!

O concerto que deu no colexio a Banda de Música de Sanxenxo foi fantástico. Pasámolo moi ben e aprendemos moitísimas cousas.

-

UXÍA LAMBONA E A BANDA MOLONA

Fachiño quere saber como se chaman as partes do corpo dos humanos, xa que o seu corpo non se parece nada ao noso.

Imos cantarlle unha canción para que aprenda o nome dalgunha delas.

A canción titúlase "Esto báilase así" e pertence ao disco de "Uxía Lambona e a Banda Molona".

CONCERTO DA BANDA DE MÚSICA DE SANXENXO

O venres 4 de decembro recibiremos no colexio á Banda de Música de Sanxenxo. Darán un pequeno concerto para todos os alumnos de Primaria.

Aquí vos deixo un xogo co que aprenderedes moitas cousas sobre os diferentes instrumentos da Banda.

Clicade na fotografía para empezar a xogar!