NANA

 

Fixádevos como durme esta meniña!

Sabedes cal é a súa canción favorita?

Se queredes aprendela prestade moita atención ao seguinte vídeo.

OLELÉ MOLIBA MAKASI

"Olelé Moliba Makasi" é unha canción de cuna tradicional da República do Congo, en África.    

Déixovos a letra, nun dos idiomas que se falan no Congo, que é o lingala, e a tradución ao galego.

SALIR CORRIENDO

Este  curso conmemoraremos o "Día Internacional para a eliminación da violencia contra a muller" coa canción "Salir corriendo", do grupo Amaral.

SALVEMOS AO MONSTRO DE CORES!

Comezamos este curso cunha nova aventura.

Esta vez o monstro de cores está en perigo. Queredes axudalo?

IMOS ALÓ!

COMEZA UN NOVO CURSO!

CONCERTO DE PACO NOGUEIRAS

Despois de gozar co concerto de "Cinco en zocas", seguiremos escoitando no colexio música en galego.

O mércores 19 de xuño recibiremos a Paco Nogueiras que nos presentará diferentes temas do seu espectáculo "C@nto contigo".

Veremos na clase algunas destas cancións

CINCO EN ZOCAS

 

O vindeiro mércores, 15 de maio, gozaremos cun concerto do grupo de pandereteiras “Cinco en zocas”, no que toca a mamá de Vega e de Pedro.

Estamos desexando que chegue ese día!

Ímonos preparando vendo o seguinte vídeo.

O MAIO

Por fin chegou a primavera!

Para meternos de cheo nela traballaremos co poema "O maio", de Manuel Curros Enríquez, musicado por Luis Emilio Batallán.

A MAÑÁ

Imos cumprir un desexo de Grotus, que na súa carta dicíanos que lle gustaría escoitar con nós a música do conto "Peer Gynt", e comezaremos escoitando a música chamada "A MAÑÁ".

Faremos diferentes xogos e tocaremos instrumentos acompañando á orquestra que vemos no vídeo.

MISTERIO NO COLEXIO!

Fai algunhas semanas apareceron no chan do colexio unhas extrañas pegadas.

Estaban no corredor do 1º piso e parecía que ían cara a clase de música.

 

Non sabiamos a quen podían pertencer eses pés tan extraños.

Ao cabo duns días apareceron uns sobres pegados nas cadeiras da aula de música, con diferentes pistas.

Abrimos os sobres, seguimos as pistas e atopamos diferentes cousas por todo o colexio.

As pistas leváronnos a unha chea de cousas diferentes: 

Todo era moi interesante e dimos diferentes ideas sobre quen era ese personaxe tan extraño, pero non chegamos a ningunha conclusión.

Cando fumos a clase música a seguinte semana, apareceu unha mensaxe misteriosa.

Abrímola e vimos que era unha carta que nos mandaba un troll chamado Grotus, que quería xogar connosco.

Grotus explicábanos todo na súa carta!

Pois... xogaremos con el! escoitaremos a música da que nos fala e aprenderemos moitas cousas sobre a historia de "Peer Gynt".

DÍA ESCOLAR DA NON VIOLENCIA E A PAZ

O día 30 de xaneiro celébrase, nos centros educativos, o Día da Paz.

Ese día conmemórase o aniversario da morte de Mahatma Ghandi, que foi un líder pacifista que defendeu e promoveu a non violencia e a resistencia pacífica fronte á inxustiza e que foi asasinado por defender estas ideas.

Nós,  cantaremos a canción “Los niños queremos la paz” para celebrar un día tan importante.